Самы вядомы піўны фестываль краіны адбудзецца 13 верасня ў Лідзе. Арганізатары абяцаюць насычаную праграму, падрабязнасці якой пакуль не называюцца, сюрпрызы і выступы зорак з розных краін.
У гэтым годзе фестываль, прымеркаваны да Дня горада, пройдзе 13 верасня, і арганізатары ўжо абвясцілі старт продажу квіткоў. Першыя квіткі на гала-канцэрт прадаюцца па цане 60 рубля, таксама даступныя VIP-катэгорыі — 195 рублёў.
Дзеці да 12 гадоў ці ростам да 140 см у суправаджэнні дарослых змогуць прайсці да сцэны бясплатна. Асноўная зона фестывалю застаецца бясплатнай для ўсіх, а таксама ўсе жадаючыя змогуць наведаць Музей Лідскага бровара без платы.
Фестываль LIDBEER — адзін з найбуйнейшых у Беларусі, штогод ён збірае больш за 100 тысяч гасцей. Сярод забаў традыцыйна абяцаюць вялікі фудкорт, сімвалічны ЗАГС пад адкрытым небам, дзе пары змогуць «узаконіць» свае адносіны прама падчас фестывалю. Кульмінацыяй дня стане канцэрт на галоўнай сцэне на Дажыначнай плошчы. Хоць імёны артыстаў пакуль трымаюцца ў сакрэце, арганізатары абяцаюць зорных гасцей з розных краін.
Цяпер чытаюць
«Я супрацоўніца КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку6
Каментары