Zdaroŭje44

Žančyna naradziła čužoje dzicia. Jakuju pamyłku zrabili ŭ klinicy padčas EKA

Žančyna ŭ Aŭstralii naradziła čužoje dzicia paśla taho, jak u klinicy pa lačeńni biaspłodździa joj vypadkova padsadzili embryjony inšaj žančyny. Incydent adbyŭsia ŭ miedycynskim centry Monash IVF u Bryśbienie, štat Kvinsłend, piša Bi-bi-si.

Ilustracyjnaje fota: Thanasis Zovoilis / Getty Images

Jak paviedamlajuć aŭstralijskija ŚMI, pryčynaj błytaniny padčas štučnaha apładnieńnia staŭ čałaviečy faktar.

Klinika pryznała pamyłku, nazvaŭšy jaje «adzinočnym vypadkam», i zajaviła, što ŭžo pryniała dadatkovyja miery, kab praduchilić padobnyja incydenty ŭ budučyni.

«Ad imia Monash IVF chaču paprasić prabačeńnia za toje, što adbyłosia», — skazaŭ hienieralny dyrektar Michael Knaap, dadaŭšy, što ŭsie ŭ klinicy «spustošanyja» pamyłkaj.

Pavodle pradstaŭnika Monash IVF, prablemu vyjavili ŭ lutym, kali klijenty paprasili pieravieści zamarožanyja embryjony, što zastalisia paśla EKA, u inšuju kliniku.

«My vyjavili niapravilnuju kolkaść embryjonaŭ u schoviščy», — zajavili ŭ Monash IVF. Tam taksama paćvierdzili, što embryjon, uziaty ŭ inšaj pacyjentki, pamyłkova razmarozili i pieranieśli nie toj žančynie, u vyniku čaho jana naradziła čužoje dzicia.

Klinika pačała ŭnutranaje rasśledavańnie, incydent taksama pieradadzieny na razhlad miedycynskich rehulataraŭ.

Hienieralny dyrektar miedustanovy pry hetym zapeŭniŭ, što heta byŭ adzinočny vypadak.

Minułaha hoda heta ž klinika vypłaciła 56 młn aŭstralijskich dołaraŭ sotniam pacyjentaŭ, čyje embryjony pamyłkova źniščyli.

Padčas rasśledavańnia vyśvietliłasia, što kala 35% embryjonaŭ, jakija nasamreč byli narmalnymi i mahli pryvieści da paŭnavartasnaj ciažarnaści, pryznali defiektnymi ŭ vyniku pamyłkovaha skryninhu.

Nie pieršy vypadak

U lutym Chryścina Miurej z ZŠA padała ŭ sud na kliniku, dzie joj rabili praceduru EKA.

U vyniku pamyłki jana vynasiła i naradziła chłopčyka, jaki bijałahična joj nie naležaŭ.

Choć Miurej i abrany joj donar śpiermy byli biełymi, dzicia akazałasia afraamierykancam.

Takim čynam, zamiest ułasnaha małoha, jakoha jana čakała, žančyna stała mižvolnaj surahatnaj maci dla inšaj pary.

Paśla kansultacyj ź jurystami žančyna dobraachvotna admoviłasia ad apieki nad dziciom, pakolki ŭ jaje nie było šancaŭ asprečyć pravy bijałahičnych baćkoŭ.

Zaraz chłopčyk žyvie ź imi ŭ inšym štacie pad inšym imiem.

Kamientary4

  • i hetyja ž ludzi asudžajuć nacystaŭ
    12.04.2025
    Miarzotnyja technałohii. Ale što zaŭhodna za vašyja hrošy
    • Eka
      12.04.2025
      Miarzotnyja technałohii? To, moža varta admovicca i ad usich inšych? Bo samaloty, ciahniki i aŭtamabili mohuć mieć avaryi (sa śmiarotnym ischodam), ad kamputaraŭ i internetu možna ŭzaležnicca, usie elektrapryłady ŭ vašaj kvatery - patencyjna niebiaśpiečnyja, bo mohuć vybuchnuć ci paškodzić zdaroŭje chatnich hadavancaŭ.

      A ŭ dadzienym kankretnym vypadku technałohija dazvalaje naradzicca novamu dziciaci. Niahledziačy na pamyłki, jakija časam zdarajucca, naradžajecca novaje žyćcio. Sapraŭdy, "miarzotna".
      • i hetyja ž ludzi asudžajuć nacystaŭ
        13.04.2025
        Eka, demahohija - kiepski arhumient. Naradzicca novamu žyćciu, parallelna stvaryŭšy dziasiatak inšych žyćciaŭ, zamarozić ich i vykinuć u śmiećcie - jak miła.

Ciapier čytajuć

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Usie naviny →
Usie naviny

Čamu vučeńni «Zachad-2025» vyrašyli pravieści ŭ centry krainy, a nie kala miežaŭ NATA — mierkavańnie ŭkrainskaha palitołaha4

Prarasijskija nadpisy na ciele ŭkrainskaha vajskoŭca vyrazaŭ chirurh padčas apieracyi4

Kala bierahoŭ Kanady zaŭvažyli redki čorny ajśbierh1

CACHAŁ zahadaŭ žycharam adnaho z rajonaŭ Tehierana evakujavacca. Zrujnujuć budynak dziaržaŭnaha telebačańnia3

ZŠA pierakidajuć na Blizki Uschod druhi avijanosiec i dziasiatki samalotaŭ8

«Pradali 1647 kupiur za 3 dni». Ažyjataž vakoł pamiatnaj banknoty Nacbanka nie ścichaje3

Stała viadoma jašče pra adnaho biełarusa, jaki vajavaŭ na baku Rasii i trapiŭ u pałon1

U paŭdniovaj Jeŭropie prajšli mitynhi suprać turystaŭ

Susiedzi zrabili kuchniu ŭ łodžyi, i ciapier u susiedziaŭ čuvać zvon posudu

bolš čytanych navin
bolš łajkanych navin

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić