«Jak ja ciabie mahła adpuścić u hety žachlivy boj?» Ała Puhačova vypuściła dźvie pieśni pra vajnu
1 krasavika Ała Puhačova pradstaviła dźvie novyja pieśni, pryśviečanyja vajnie. Jany apublikavanyja na aficyjnym YouTube-kanale śpiavački, zaŭvažyła «Mieduza».
Pieršaja pieśnia nazyvajecca «Mama». Aŭtaram muzyki paznačany kampazitar Andrej Misin, słovy napisała sama Puhačova. Kampazicyja ŭjaŭlaje saboj dyjałoh maci i syna, jaki zahinuŭ na vajnie.
Tam jość takija słovy: «Mam, dla tiebia ja živoj. Słyšiš, mam, budu vsiehda ja s toboj. Ja proklinaju tot boj, mam, čto razłučił nas s toboj» i «Kak ja mohła otpustiť tiebia, syn, kak mohła, v etot užaśniejšij boj. Otpustiła tiebia, biesy poputali. Sierdcie vdruh stało nievmoċ, a ty śnišsia, śnišsia mnie každuju noċ».
Druhaja pieśnia nazyvajecca «Pacałunki vajny». Muzyku napisaŭ Andrej Misin, słovy — Andrej Ardyniec.
«Fantanka» pisała, što kampazicyja «Pacałunki vajny» stvoranaja pa matyvach praryvu savieckich sałdataŭ padčas Śvirska-Pietrazavodskaj apieracyi, jakaja adbyłasia letam 1944 hoda.
Ała Puhačova nijak nie prakamientavała vychad novych piesień u svaim instahramie.
Puhačova źjechała z Rasii niezadoŭha paśla taho, jak jaje muža Maksima Hałkina, jaki adkryta vystupaje suprać rasijskaha ŭvarvańnia va Ukrainu, ułady abviaścili «zamiežnym ahientam». Śpiavačka vystupiła ŭ padtrymku muža, paprasiŭšy zaličyć i jaje ŭ «šerahi zamiežnych ahientaŭ svajoj lubimaj krainy». Jana nazvała Hałkina «sapraŭdnym patryjotam Rasii», jaki žadaje svajoj krainie «mirnaha žyćcia, svabody słova» i spynieńnia hibieli ludziej «dziela iluzornych metaŭ».
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
A kali uzhadać starejšaha brata Hałkina k jakomu zvalili ??Jon vałodaje vyrabnictvam zbroi u rf handluje