U niebie nad Biełaruśsiu źjavilisia tajamničyja znaki. Što heta było?
U mnohich jeŭrapiejskich krainach, u tym liku, u Biełarusi ŭ noč na 25 sakavika nazirali niezvyčajnyja śpirali ŭ niebie. Jany vyklikali pierapałoch u sacsietkach. Śpiecyjalisty ličać, što ničoha nadzvyčajnaha tut nie było.
Jarkuju śpiral u niebie, jakaja pieramiaščałasia z zachadu na ŭschod, u našych šyrotach možna było nazirać prykładna a 23:00 pavodle minskaha času. Fatahrafii i videa hetaj źjavy ŭ sacsietkach možna znajści z samych roznych krain, uklučajučy Vialikabrytaniju, Francyju, Charvatyju, Daniju, piša «Tielehraf».
Što heta było?
Razhadka śpiralnaj «kratovaj dzirki» akazałasia prazaičnaj. Bolšaść ekśpiertaŭ syšlisia ŭ mierkavańni, što taki efiekt u atmaśfiery stvaryła rakieta Falcon 9 amierykanskaj kampanii SpaceX.
Čarhovy zapusk hetaj rakiety-ciažkavahavika adbyŭsia jakraz u 20:48 pa Minsku z mysa Kanavierał (štat Fłaryda, ZŠA). Pavodle aficyjnaj infarmacyi, ahučanaj u tym liku Nacyjanalnym upraŭleńniem vajenna-kaśmičnaj raźviedki ZŠA, SpaceX paśpiachova vyvieła na arbitu amierykanski raźviedvalny kaśmičny aparat NROL-69.
Jak rastłumačyli śpiecyjalisty, taki aptyčny efiekt u vyhladzie śpiralnaha śviačeńnia źjaŭlajecca vynikam źlivu paliva z bakaŭ rakiety.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary