Vens zajaviŭ, što Trampa «nie chvaluje lamant jeŭrapiejcaŭ» adnosna Hrenłandyi
Vice-prezident ZŠA Džej Dzi Vens zajaviŭ, što administracyju prezidenta Donalda Trampa nie cikavić reakcyja jeŭrapiejcaŭ na mahčymyja dziejańni ZŠA ŭ dačynieńni da Hrenłandyi. Pra heta jon paviedamiŭ u intervju telekanału Fox News.
«Kali nam daviadziecca prajavić bolšuju cikavaść da Hrenłandyi ŭ terytaryjalnym płanie, my heta zrobim. Prezidenta Trampa nie chvaluje lamant jeŭrapiejcaŭ», — zajaviŭ Vens.
«Prezidenta Trampa cikaviać tolki amierykanskija nacyjanalnyja intaresy», — dadaŭ amierykanski vice-prezident.
Jon taksama raskrytykavaŭ Daniju, jakoj pa stanie na hety momant naležyć Hrenłandyja, nazvaŭšy jaje «kiepskim sajuźnikam», jaki «nie vykonvaje svaju pracu».
Prezident ZŠA Donald Tramp abhruntoŭvaje svaju pazicyju nacyjanalnymi intaresami ZŠA, u pryvatnaści ŭ śfiery biaśpieki. 13 sakavika padčas sustrečy z hienieralnym sakratarom NATA Markam Rute Tramp zajaviŭ, što dumaje, što anieksija Hrenłandyi «adbudziecca». U samoj Hrenłandyi paśla taho prajšli vuličnyja pratesty.
Ciapierašniaja zajava Vensa prahučała na fonie vizitu amierykanskaj delehacyi, u jakuju ŭvachodzić i žonka vice-prezidenta ZŠA Uša Vens, u Hrenłandyju. Akramia taho, pryjechać na hety samy bujny ŭ śviecie vostraŭ źbirajucca daradca Donalda Trampa pa nacyjanalnaj biaśpiecy Majk Uołc i ministr enierhietyki ZŠA Krys Rajt.
Premjer-ministr Hrenłandyi Mute Ehiede rezka asudziŭ hety vizit, nazvaŭšy jaho «vielmi ahresiŭnym» i pravakujučym eskałacyju napružanaści ŭ adnosinach z Vašynhtonam.
Aficyjna Bieły dom zajaŭlaŭ, što pajezdka amierykanskaj delehacyi nosić kulturny charaktar: maŭlaŭ, jana voźmie ŭdzieł u nacyjanalnych honkach na sabačych zaprežkach, naviedaje histaryčnyja miescy i paznajomicca z hrenłandskaj spadčynaj. Taksama hości źbirajucca naviedać raźmieščanuju na vostravie amierykanskuju vajskovuju bazu. Adnak hrenłandskija ŭłady bačać u hetym vizicie demanstracyju siły i padahravańnie cikavaści da idei dałučeńnia Hrenłandyi da ZŠA.
Tramp patłumačyŭ kiraŭniku NATA, čamu ZŠA patrebnaja Hrenłandyja
Na vybarach u Hrenłandyi pieramahła partyja, jakaja vystupaje za sajuz z Danijaj
Tramp: ZŠA atrymajuć Hrenłandyju «tak ci inakš»
«Tramp, jak i Pucin, chacieŭ by pieradziełu miežaŭ». A amierykanskija kansiervatary idealizujuć režym Pucina jak levyja ŭ svoj čas — Stalina
Danija moža adkazać amierykancam za Hrenłandyju asimietryčnym udaram. I heta budzie adčuvalna dla elit
Čamu Tramp zahavaryŭ pra Hrenłandyju?
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary
Adno vyklikaje niedaūmieņnie, jany ž tam usie harvardskija dy jeļskija hadavancy, vysokakuļturnyja i pryklad usim!... Taki paradoks XXI stahoddzia...