U sakaviku nikoli nie abychodzicca bieź viartańnia chaładoŭ. Ale pachaładańnie praciahniecca niadoŭha — užo ŭ siaredzinie nastupnaha tydnia tempieratura pačnie pastupova pavyšacca, raskazaŭ sinoptyk Dźmitryj Rabaŭ u efiry telekanała ANT.
U pačatku tydnia nadvorje budzie vobłačnym z prajaśnieńniami, miescami projduć karotkačasovyja daždžy, mokry śnieh. U načnyja i ranišnija hadziny mahčymy słaby tuman. Viecier budzie paŭnočny, paŭnočna-zachodni. U paniadziełak, 17 sakavika, u načnyja hadziny prahnazujecca ad -1 da -6 hradusaŭ, dniom tempieratura budzie kala 0 hradusaŭ. U aŭtorak, 18 sakavika, čakajecca ad +1 da +6 hradusaŭ.
U siaredzinie tydnia za nadvorje stanie adkazvać antycykłon, centr jakoha znachodzicca nad zachadam Jeŭropy. Budzie vobłačnaje z prajaśnieńniami nadvorje, apadkaŭ nie prahnazujecca. Viecier paŭnočna-zachodni. U sieradu, 19 sakavika, unačy tempieratura pavietra składzie ad -2 da +2 hradusaŭ, udzień — ad +3 da +8 hradusaŭ.
A paciapleńnie ŭ Biełarusi čakajecca ŭ druhoj pałovie tydnia. U bolšaści rajonaŭ apadkaŭ nie čakajecca. U načnyja i ranišnija hadziny mahčymy tuman.
U čaćvier, 20 sakavika, unačy čakajecca ad -1 da +4 hradusaŭ, dniom pavietra prahrejecca ad 7 da 10 hradusaŭ. U piatnicu, 21 sakavika, tempieratura pavietra składzie da +9 hradusaŭ.
U vychadnyja dni budzie vobłačna z prajaśnieńniami, bieź istotnych apadkaŭ. Viecier umierany. Nočču i ranicaj tuman. Vilhotnaść da 70%. Unačy ad +2 da +6 hradusaŭ, u siaredzinie dnia ŭ subotu da +13, u niadzielu ad +11 da +14.
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary