У сакавіку ніколі не абыходзіцца без вяртання халадоў. Але пахаладанне працягнецца нядоўга — ужо ў сярэдзіне наступнага тыдня тэмпература пачне паступова павышацца, расказаў сіноптык Дзмітрый Рабаў у эфіры тэлеканала АНТ.
У пачатку тыдня надвор'е будзе воблачным з праясненнямі, месцамі пройдуць кароткачасовыя дажджы, мокры снег. У начныя і ранішнія гадзіны магчымы слабы туман. Вецер будзе паўночны, паўночна-заходні. У панядзелак, 17 сакавіка, у начныя гадзіны прагназуецца ад -1 да -6 градусаў, днём тэмпература будзе каля 0 градусаў. У аўторак, 18 сакавіка, чакаецца ад +1 да +6 градусаў.
У сярэдзіне тыдня за надвор'е стане адказваць антыцыклон, цэнтр якога знаходзіцца над захадам Еўропы. Будзе воблачнае з праясненнямі надвор'е, ападкаў не прагназуецца. Вецер паўночна-заходні. У сераду, 19 сакавіка, уначы тэмпература паветра складзе ад -2 да +2 градусаў, удзень — ад +3 да +8 градусаў.
А пацяпленне ў Беларусі чакаецца ў другой палове тыдня. У большасці раёнаў ападкаў не чакаецца. У начныя і ранішнія гадзіны магчымы туман.
У чацвер, 20 сакавіка, уначы чакаецца ад -1 да +4 градусаў, днём паветра прагрэецца ад 7 да 10 градусаў. У пятніцу, 21 сакавіка, тэмпература паветра складзе да +9 градусаў.
У выхадныя дні будзе воблачна з праясненнямі, без істотных ападкаў. Вецер умераны. Ноччу і раніцай туман. Вільготнасць да 70%. Уначы ад +2 да +6 градусаў, у сярэдзіне дня ў суботу да +13, у нядзелю ад +11 да +14.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу4
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары