У Астраўцы галоўная бухгалтарка скрала ў дзяржустановы больш за 100 тысяч рублёў
Яна прагуляла іх у анлайн-казіно.
У Астраўцы затрымалі 35‑гадовую галоўную бухгалтарку адной з дзяржаўных арганізацый, якая на працягу паўгода сістэматычна выкрадала бюджэтныя сродкі.
Паводле МУС, жанчына выкарыстоўвала некалькі схем. Яна перанакіроўвала грошы ўстановы на ўласную банкаўскую картку пад выглядам закупак гаспадарчых тавараў і аплаты паслуг, уносячы фальшывыя звесткі ў справаздачную дакументацыю. Частку наяўных грошай, якія паступалі ў арганізацыю, бухгалтарка проста не праводзіла праз касу і залічвала на свой асабісты рахунак.
Агульная сума прычыненай шкоды перавысіла 100 тысяч рублёў.
Скрадзеныя сродкі жанчына марнавала на стаўкі ў анлайн-казіно.
Заведзена крымінальная справа за выкраданне шляхам злоўжывання службовымі паўнамоцтвамі ў асабліва буйной суме. Ёй пагражае да 12 гадоў пазбаўлення свабоды.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары