З 1 верасня ў Мінскай вобласці пачнецца вакцынацыя дзікіх драпежных жывёл супраць шаленства. Спецыяльныя прынады з вакцынай будуць раскідаць з паветра над лясамі і палямі, паведаміла прэс-служба Мінскага аблвыканкама.
Прынада выглядае як невялікі брыкет шэрага або цёмна-карычневага колеру вагой каля 25 грамаў. Яе вырабляюць з рыбнай мукі і ялавічнага тлушчу, а ўнутры знаходзіцца капсула з вакцынай.
Жыхароў просяць не браць такія брыкеты голымі рукамі, не прыносіць іх дадому і не даваць хатнім жывёлам. Да прынадаў таксама нельга падпускаць дзяцей.
Калі змесціва капсулы выпадкова трапіла ў вочы, рот, нос або на пашкоджаную скуру, неабходна звярнуцца па медыцынскую дапамогу.
Вакцыну раскідаюць з самалётаў для аральнай імунізацыі дзікіх драпежнікаў. Жывёліна знаходзіць прынаду, разгрызае яе і разам з кормам атрымлівае вакцыну. Такія кампаніі ў Беларусі праводзяць рэгулярна.
Прынады размяшчаюць у лясах, на палях і іншых месцах, дзе жывуць дзікія жывёлы. Населеныя пункты і вадаёмы ў зоны апрацоўкі не ўваходзяць.
Пакуль афіцыйна пацверджана, што восеньская кампанія стартуе 1 верасня менавіта ў Мінскай вобласці. Пра адначасовы пачатак вакцынацыі ва ўсіх рэгіёнах краіны афіцыйнай інфармацыі пакуль няма.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць7
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары