Hałoŭčanku adpravili ŭ adstaŭku. Novy premjer — Alaksandr Turčyn
Alaksandr Łukašenka adpraviŭ u adstaŭku Ramana Hałoŭčanku, jaki amal piać hod uznačalvaŭ urad. Novy premjer — Alaksandr Turčyn.
Alaksandru Turčynu 49 hod. Naradziŭsia ŭ Navahrudku. Skončyŭ Biełaruski dziaržaŭny ekanamičny ŭniviersitet, Akademiju kiravańnia.
U 2004—2010 hadach pracavaŭ u Karelickim rajvykankamie Hrodzienskaj vobłaści, z 2010 hoda — u Minskim abłvykankamie.
Z 2018 hoda pryznačany na pasadu pieršaha namieśnika premjer-ministra.
Z 2019 hoda — staršynia Minskaha abłvykankama.
Pieršaj zajavaj Turčyna na novaj pasadzie stała toje, što «nijakaj istotnaj karekciroŭki ekanamičnaha kursu nie budzie».
Adkazvajučy na pytańnie, ci jość nieabchodnaść źmianiać padychody, jon skazaŭ: «Majo samaje lubimaje vykazvańnie — «evalucyja biez revalucyj». Na luboj pasadzie, viadoma, nieabchodna evalucyjanavać: i na pasadzie staršyni ŭrada, i staršyni Minskaha abłvykankama… Kožny kiraŭnik razam sa svaim prychodam prynosić niešta novaje, novy pohlad na tyja ci inšyja prablemy».
«Nijakaj istotnaj karekciroŭki ekanamičnaha kursu, viadoma, nie budzie. Samaje hałoŭnaje — zabiaśpiečyć ustojlivaje i zbałansavanaje raźvićcio našaj krainy», cytuje Turčyna dziaržaŭnaje ahienctva BiełTA.
Były kiraŭnik urada — 51-hadovy Raman Hałoŭčanka — zajmaŭ pasadu premjer-ministra Biełarusi z červienia 2020 hoda. Jon staŭ kiraŭnikom Nacbanka.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
No, pieriestavlajemyje krovati połučajut mnoho, mnoho, ličnych plušiek.