Były premjer-ministr Biełarusi Raman Hałoŭčanka ŭznačaliŭ Nacbank. Łukašenka adpraviŭ u adstaŭku Paŭła Kałaŭra, jaki kiravaŭ Nacbankam 10 hadoŭ.
«Heta pryznačeńnie źviazana z tym, što Raman Alaksandravič zaŭsiody chacieŭ bolšaj uciahnutaści banka i bankaŭskaj sistemy ŭ ekanomiku. Vopytny čałaviek. Vielmi važnaje pryznačeńnie. Ja miarkuju, što jany z Alaksandram Hienrychavičam [Turčynym] znojduć supolnuju movu i narešcie pastaviać z noh na hałavu niekatoryja pytańni našaj ekanomiki, jakija»? — skazaŭ Łukašenka.
Jon padziakavaŭ Ramanu Hałoŭčanku za toje, što jon pahadziŭsia na hetu pasadu.
«Absalutna ščyra chaču publična skazać, kab nie było pahałosak. Vy tudy nie idziacie adpačyvać <> pa majoj zadumie vy dakładna nie adpačniecie, — skazaŭ Łukašenka. — Ja chaču, kab u nas u hetaj piacihodcy jak minimum ekanomikaj zajmalisia vielmi vopytnyja, mocnyja ludzi, arhanizatary i ekanamisty.
Ramanu Hałoŭčanku 51 hod. Apošnija 5 hod zajmaŭ pasadu premjera. Sa śniežnia 2009 pa krasavik 2013 hoda — pieršy namieśnik staršyni Dziaržaŭnaha vajenna-pramysłovaha kamiteta. Z 2013 da 2018 hoda — Nadzvyčajny i Paŭnamocny Pasoł u Abjadnanych Arabskich Emiratach. Z 2018 pa červień 2020 hoda — staršynia Dziaržaŭnaha vajenna-pramysłovaha kamiteta Respubliki Biełaruś. U 1997 hodzie byŭ pryznačany hałoŭnym śpiecyjalistam Rady biaśpieki, dzie prapracavaŭ piać hadoŭ. Try hady paśla hetaha pracavaŭ u Hienieralnaj prakuratury zahadčykam adździełu.
Łukašenka adpraviŭ u adstaŭku Paŭła Kałaŭra, jaki kiravaŭ Nacbankam 10 hadoŭ. Pry im zapavoliłasia inflacyja, skončylisia plaski z čornym kursam dalara.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary