Žančyna adhuknułasia ŭ internecie na abjavu pra «vypłaty nasielnictvu».
Ź joj nieadkładna źviazaŭsia «kansultant» i patłumačyŭ, što hrošy možna atrymać šlacham tarhoŭ na biržy. Paciarpiełaja pieraviała spačatku try tysiačy rubloŭ, paśla čaho joj paviedamili, što srodki nibyta zabłakavanyja, ale chvalavacca nie varta, treba krychu pačakać, paviedamlaje telehram-kanał «Milicyja Minska».
Nie žadajučy hublać čas, minčanka znajšła abjavu pra inviestavańnie ŭ akcyi «Hazprama» i pry padtrymcy «kansultanta» pačała novyja tarhi. Z kožnym nastupnym uznosam jaje pierakonvali, što prybytak pavialičvajecca i treba praciahvać układańni.
Za niekalki dzion achviara adpraviła złamyśnikam amal 50 tysiač rubloŭ.
Pra toje, što jaje padmanuli, žančyna daviedałasia tolki tady, kali źviarnułasia da svajački z prośbaj zaniać krychu hrošaj, kab vyvieści zaroblenaje ź biržy.
Śledčymi raspačata kryminalnaja sprava za machlarstva.
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać9
Kamientary