Były premjer Vialikabrytanii Borys Džonsan pastom u sacsietcy Ch zaklikaŭ jeŭrapiejcaŭ pierastać aburacca Donaldam Trampam i pačać dapamahać jamu pakłaści kaniec hetaj vajnie. Pry hetym jon daŭ svaju viersiju, dla čaho Tramp havoryć i robić usie tyja rečy, jakija tak šakujuć Jeŭropu i Ukrainu.
Džonsan pahadžajecca, što, kaniešnie, zusim nie Ukraina pačała vajnu z Rasijaj. Z takim ža pośpiecham, maŭlaŭ, možna skazać, što heta Amieryka napała na Japoniju ŭ Piorł-Charbary ŭ 1941 hodzie.
Nie zhodzien jon i z tym, što kraina, jakaja padviarhajecca hvałtoŭnamu ŭvarvańniu, pavinna abaviazkova ładzić na svajoj terytoryi vybary. U prykład jon pryvodzić svaju krainu, Vialikabrytaniju, dzie ŭsieahulnyja vybary nie pravodzilisia 10 hadoŭ, z 1935 pa 1945 hod.
I rejtynh Zialenskaha, pahadžajecca Džonsan, nie 4%, a «prykładna taki ž, jak u Trampa».
Dziela čaho ž tady takija absurdnyja i nie adpaviednyja rečaisnaści zajavy Trampa? Borys Džonsan ličyć, što jany zaklikanyja šakavać jeŭrapiejcaŭ i zaachvocić ich da dziejańnia.
U pryvatnaści, źviartaje ŭvahu były brytanski premjer, u asnoŭnym u Bielhii zachoŭvajucca $300 młrd zamarožanych rasijskich aktyvaŭ. Heta hrošy, jakija možna i treba vykarystoŭvać dla vypłat Ukrainie i kampiensacyi ZŠA za jaje padtrymku.
«Čamu Jeŭropa pieraškadžaje razmarožvańniu pucinskich hrošaj? ZŠA ličać, što Bielhija, Francyja i inšyja krainy heta błakujuć. Heta absurd. Nam treba dziejničać surjozna i chutka», — zaklikaje Borys Džonsan.
Tramp nazvaŭ Zialenskaha «dyktataram biez vybaraŭ» i «siarednim pa paśpiachovaści komikam»
Jeŭrapiejskija śpiecsłužby bajacca vyvadu amierykanskich vojskaŭ z krain ES
«Heta niemahčyma». Zialenski adkazaŭ Trampu na mahčymaść praviadzieńnia zaraz vybaraŭ
Zialenski adkazaŭ Trampu, kolki hrošaj Ukraina vydatkavała na vajnu i kolki ź ich było amierykanskich
Tramp zajaviŭ, što Rasija choča «spynić hetaje dzikunstva», a va Ukrainy «było try hady, kab sieści za stoł pieramoŭ»
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary