«Nie mahli ŭziać z saboj». Biełarusy viarnulisia na radzimu i kinuli sabaku ŭ Varšavie
Amierykanski pitbul pa mianušcy Tuman zastaŭsia adzin u Varšavie paśla taho, jak jahonyja haspadary, para ź Biełarusi, vyrašyli viarnucca na radzimu. Zabrać hadavanca z saboj jany nie zmahli. U vyniku sabaka niekalki dzion prasiadzieŭ u padjeździe, pakul nieabyjakavyja susiedzi nie ŭziali situacyju ŭ svaje ruki, piša Most.
Pa słovach susiedziaŭ, maładaja para pražyła ŭ Varšavie kala troch hadoŭ, a ź imi žyŭ i ichni sabaka. Ale ŭ kancy studzienia adzin z susiedziaŭ zaŭvažyŭ, što pitbul niekalki dzion siadzić pad dźviaryma kvatery.
Mužčyna napisaŭ byłym uładalnikam, kab daviedacca, što zdaryłasia. Akazałasia, jany viarnulisia ŭ Biełaruś, a adnosna sabaki adkaz byŭ prostym: «Nie mahli ŭziać z saboj».
Razumiejučy, što žyviolina nie moža zastavacca ŭ padjeździe, susied prytuliŭ jaje. Adnak heta było tolki časovym rašeńniem: jahonaja damova arendy nie dazvalała trymać svojskich žyvioł.
Tady mužčyna pačaŭ terminova šukać dla Tumana novych haspadaroŭ.
Biełarusy, jakija žyvuć u Varšavie, chutka raspaŭsiudzili historyju sabaki ŭ sacsietkach. Spačatku Tumanu ŭdałosia znajści pieratrymku, a praź niekalki dzion — i novuju siamju. Ciapier sabaka žyvie ŭ novych uładalnikaŭ.
U Polščy za pakidańnie chatniaj žyvioły moža pahražać pakarańnie. Pavodle art. 35 Zakona ab abaronie žyvioł, za žorstkaje abychodžańnie moža pahražać da 3 hadoŭ pazbaŭleńnia voli. U vypadku asablivaj žorstkaści pakarańnie moža skłaści ad troch miesiacaŭ da 5 hadoŭ.
«Kot Kieša prachodziŭ surazmoŭje z haspadarami kvatery». Biełarusy raspaviali pra svoj kranalny dośvied emihracyi razam z žyviołami
Łukašenka pryjšoŭ na vybary z Umkam. Toj pamieciŭ vybarčy ŭčastak
Sabaka lubiŭ u zubach nasić telefon. Heta pryviało da śmierci haspadyni i dvuch sabak
U bieraściejca na prahułcy raptoŭna zahinuŭ sabaka: abstaviny vielmi niečakanyja, ale heta dosyć niebiaśpiečny precedent
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny44
Kamientary