27 studzienia pierakryty tempieraturny rekord dnia 42-hadovaj daŭniny
Pra pierakryćcio 27 studzienia tempieraturnaha rekorda dnia 42-hadovaj daŭniny śviedčyć praviedzieny vydańniem «Pozirk» paraŭnalny analiz apieratyŭnych i archiŭnych źviestak Biełhidramieta, piša «Lusterka».
Da 15.50 u Małarycie pavietra prahrełasia da 12,4 hradusa vyšej za nul, u Pinsku — da 12,3°S, Drahičynie — da 12,2°S, Breście — da 12°S pry papiarednim histaryčnym maksimumie 10 hradusaŭ (27 studzienia 1983 hoda ŭ Breście). Hetyja danyja papiarednija, vynikovyja źjaviacca ŭviečary.
U Minsku taksama pierapisany łakalny maksimum: pavietra prahrełasia da 8,9 hradusa pry raniejšym ekstremumie 5,5°S (u 1983 hodzie).
Napiaredadni, 26 studzienia, tempieraturnyja rekordy byli zarehistravanyja ŭ Homieli — 6,8 hradusa (5,3°S u 2008 hodzie), Viciebsku — 5,2°S (4,7°S u 1990-m) i Brahinie — 7,7°S (6,5°S u 1990-m). U Połacku paŭtorany ekstremum 35-hadovaj daŭniny (6,1°S).
Ciaplej za ŭsio było ŭ Breście — 9,1°S. Rekord dnia naležyć taksama jamu — 11,4°S u 1990 hodzie).
25 studzienia abnaviŭsia maksimum dnia ŭ Mścisłavie (1,7°C suprać 1,6°C u 2008 hodzie), paŭtorany ŭ Mahilovie (3,9°C u 2002-m).
U najbližejšyja dni Biełhidramiet prahnazuje zachavańnie vielmi ciopłaha dla siaredziny kalandarnaj zimy nadvorja: 28 i 29 studzienia čakajecca da 12 hradusaŭ vyšej za nul, 30-ha — da +9°S.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary