U Hruzii za paŭtara hoda siem hramadzian Biełarusi skončyli žyćcio samahubstvam
Siem hramadzian Biełarusi — piać mužčyn i dźvie žančyny — dobraachvotna raźvitalisia z žyćciom sa studzienia 2023 hoda da červienia 2024 hoda ŭ Hruzii, śviedčyć praviedzieny vydańniem «Pozirk» analiz źviestak hruzinskaha MUS.
U 2023 hodzie praz suicyd pajšli z žyćcia čatyry biełarusy: mužčyny 27 i 31 hoda (abodva — u Adžaryi), žančyny 27 i 80 hadoŭ (u Tbilisi i rehijonie Samiehreła — Vierchniaja Svanietyja adpaviedna). Akramia taho, u Adžaryi sprabavała ździejśnić suicyd 25-hadovaja hramadzianka Biełarusi.
U pieršaj pałovie 2024 hoda ŭ Adžaryi suicyd ździejśnili 32-hadovy i dva 23-hadovyja mužčyny.
Na sajcie MUS Hruzii jość statystyka samahubstvaŭ za apošnija siem z pałovaj hadoŭ. U 2017 i 2018 hadach hramadzianstva samahubcaŭ nie ŭkazvałasia, u 2019—2022 hadach biełarusaŭ siarod ich nie było (u statystycy za 2021 hod hramadzianstva troch čałaviek nie paznačana).
«Heta niamała», — koratka prakamientavaŭ «Pozirku» statystyku samahubstvaŭ biełaruski pravaabaronca Raman Kiślak, jaki žyvie ŭ Hruzii. Pavodle jaho, nijakich źviestak pra suajčyńnikaŭ, jakija dobraachvotna pajšli z žyćcia, jon nie maje, ichnija svajaki da jaho nie źviartalisia.
«Da 2021 hoda tut było niašmat biełarusaŭ. Masavy pierajezd pačaŭsia ŭ krasaviku 2021 hoda, kali ludzi ratavalisia ad pieraśledu na radzimie», — adznačyŭ Kiślak.
Pavodle infarmacyi miascovych uładaŭ, ciapier u Hruzii znachodzicca kala 12 tysiač hramadzian Biełarusi. Za apošnija dva hady ich stała na 3 tysiačy mienš. U hetaj krainie nie vydajuć pašpartoŭ inšaziemca ludziam, u jakich zakančvajecca termin dziejańnia nacyjanalnych dakumientaŭ, a ŭsie prośby ab palityčnym prytułku, padavanyja biełarusami, miascovymi ŭładami adchilajucca.
U Tbilisi začyniajecca biełaruskaja prastora Kropka
Praz try hady zmahańnia za svaje pravy pieršaj siamji biełarusaŭ u Hruzii kančatkova admovili ŭ prytułku
«Bajsoł» hatovy da pracy pa evakuacyi biełarusaŭ z Hruzii
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
Za piać hadoŭ abarony ŭ Hruzii paprasiła bolš za 70 biełarusaŭ, trom dziasiatkam užo admovili
Polšča ŭviała «asablivyja miery» dla vydačy humanitarnych viz biełarusam u Hruzii
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary