Polšča ŭviała «asablivyja miery» dla vydačy humanitarnych viz biełarusam u Hruzii
Namieśnik kiraŭnicy Abjadnanaha pierachodnaha kabinieta, kiraŭnik Narodnaha antykryzisnaha ŭpraŭleńnia Pavieł Łatuška źviarnuŭsia ź listom u MZS Polščy z prośbaj ab sadziejničańni biełarusam, jakija znachodziacca ŭ Hruzii i žadajuć atrymać humanitarnuju vizu. Jamu dali na heta adkaz, frahmienty ź jakoha publikujucca ŭ telehram-kanale palityka.
«Paśla padziej 2020 hoda ŭ Biełarusi, jakija supravadžajucca masavymi represijami i pieraśledami z boku režymu Łukašenki, značnaja kolkaść hramadzian Biełarusi byli vymušanyja pakinuć krainu. Hruzija stała adnym z asnoŭnych napramkaŭ dla biełarusaŭ dziakujučy biaźvizavamu režymu i pramym avijaznosinam. Da niadaŭniaha času Hruzija ŭsprymałasia jak adnosna biaśpiečny prytułak, adnak sacyjalna-palityčnaja situacyja ŭ Hruzii, jakaja źmianiłasia, vyklikaje aściarohi», — pisaŭ Łatuška ŭ svaim liście, dasłanym u polski MZS 18 listapada, prosiačy ab sadziejničańni biełarusam z Hruzii pry ichnich zvarotach adnosna vydačy humanitarnych polskich viz.
27 listapada pryjšoŭ adkaz ad namieśnicy ministra zamiežnych spraŭ Polščy Chienryki Maščyckaj-Dendys. U im adznačajecca, što MZS Polščy i polskija konsuły nadajuć asablivuju ŭvahu pytańniam padtrymki hramadzian Biełarusi, jakija pieraśledujucca režymam Łukašenki i ratujucca ad represij.
«Hramadzianie Biełarusi, jakija znachodziacca ŭ Hruzii, majuć prava padać zajaŭku na polskuju vizu tolki na padstavie samoha faktu znachodžańnia na terytoryi Hruzii (na praciahu nie mienš za 6 miesiacaŭ) bieź nieabchodnaści lehalizacyi svajho znachodžańnia», — havorycca ŭ hetym dakumiencie.
«Prymajučy pad uvahu pałažeńni Vizavaha kodeksa ES, chaču zapeŭnić, što my ŭkaranili asablivyja miery dla apieratyŭnaj vydačy humanitarnych viz členam biełaruskaj apazicyi ŭ suviazi ź situacyjaj u Hruzii, a taksama dla biahučaha absłuhoŭvańnia hramadzian Biełarusi, uciahnutych u prademakratyčnuju dziejnaść i jakija imknucca ŭjechać u ES», — piša namieśnica ministra.
Padčas razhonu pratesnaj akcyi ŭ Tbilisi zatrymali 43 čałaviek
Palicyja razahnała pratest u centry Tbilisi
U Hruzii ŭspychnuli pratesty paśla zajavy ŭrada pra admovu ad jeŭraintehracyi
Hruzija admaŭlajecca ad pieramoŭ ab ustupleńni ŭ Jeŭrasajuz
«U kožnaj krainie ŭsio zaležyć tolki ad biełarusaŭ». U APK źjaviŭsia adkazny za lehalizacyju biełarusaŭ za miažoj
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach9
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary