ZŠA ŭviali abmiežavańni na pastaŭki technałohij ŠI-čypaŭ. Biełaruś pad zabaronaj całkam
Administracyja Džo Bajdena abjaviła pra ŭviadzieńnie abmiežavańniaŭ na pastaŭki ŠI-čypaŭ u bolšaść krain śvietu. Ich pastaŭki prykładna ŭ dva dziasiatki krain śvietu buduć uvohule całkam zabaronienyja, havorycca ŭ paviedamleńni Biełaha doma.
Biez abmiežavańniaŭ vysokapradukcyjnyja čypy zmohuć pastaŭlacca tolki amierykanskim kampanijam i firmam z 18 krain, jakija źjaŭlajucca sajuźnikami ZŠA, uklučajučy Hiermaniju, Niderłandy, Japoniju, Paŭdniovuju Kareju i inš.
U bolšaść inšych dziaržaŭ pry eksparcie buduć dziejničać abmiežavańni na ahulnuju vyličalnuju mahutnaść. A dla prykładna 20 krain i terytoryj pastaŭki ŠI-čypaŭ zabaroniać całkam, u tym liku dla Kitaja, Rasii i Biełarusi.
Novaŭviadzieńni ŭstupiać u siłu praz hod. Pry hetym na praciahu 120 dzion u hulcoŭ rynka jość mahčymaść padać prapanovy pa źmienie hetych praviłaŭ.
U kampanijach Nvidia i Oracle užo raskrytykavali novyja praviły, bo jany, na ich dumku, padšturchnuć klijentaŭ da taho, kab karystacca pradukcyjaj kitajskich kampanij, u tym liku Huawei.
U 2023 hodzie pastaŭki ŭ Biełaruś čypaŭ i inšaj elektroniki padvojnaha pryznačeńnia užo zabaraniŭ Jeŭrasajuz.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»30
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary