Hetaj nočču adbyłasia 82-ja cyrymonija ŭručeńnia premii «Załaty hłobus».
Amierykanskaja aktrysa Diemi Mur atrymała svoj pieršy «Załaty hłobus» u katehoryi «najlepšaja žanočaja rola ŭ miuzikle abo kamiedyi» za bodzi-chorar «Substancyja» (The Substance), jaki ŭžo adznačany ŭznaharodaj Kanskaha kinafiestyvalu za lepšy scenaryj.
«Ja sapraŭdy nie čakała hetaha. Ja zaraz prosta ŭ šoku, — skazała jana na cyrymonii ŭznaharodžańnia ŭ Łos-Andželesie. — Ja zajmajusia hetym vielmi daŭno, bolš za 45 hadoŭ, i heta pieršy raz, kali ja vyjhrała niešta jak aktorka».
Łaŭreatami premii «Załaty hłobus 2025» taksama stali:
najlepšy film — drama: «Brutalist»;
najlepšy film — kamiedyja / miuzikł: «Emilija Pieres»;
najlepšaja režysura: Brejdzi Korbiet — «Brutalist»;
najlepšy akcior — drama: Edryjan Broŭdzi — «Brutalist»;
najlepšaja aktrysa — drama: Fiernanda Tores — «Ja ŭsio jašče tut»;
najlepšy akcior — kamiedyja / miuzikł: Siebastyjan Sten — «Inšy čałaviek»;
najlepšaja aktrysa — kamiedyja / miuzikł: Diemi Mur — «Substancyja»:
najlepšy akcior druhoha płana: Kiran Kałkin — «Sapraŭdny bol»;
najlepšaja aktrysa druhoha płana: Zoi Sałdana — «Emilija Pieres»;
najlepšy scenaryj: Piter Strohen — «Kankłaŭ»;
najlepšy film na zamiežnaj movie: «Emilija Pieres» — Francyja;
najlepšy animacyjny film: «Płyń».
«Załaty Hłobus» — premija, jakaja ŭručajecca Halivudskaj asacyjacyjaj zamiežnaj presy ŭ halinie kinamastactva. Jaje ŭručajuć kožny hod u studzieni pa vynikach hałasavańnia 90 mižnarodnych žurnalistaŭ, jakija pražyvajuć u Halivudzie. Uručajecca z 1944 hoda. Ličycca druhoj pa važnaści paśla «Oskara».
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary