U Biełarusi pačali pijar-kampaniju, kryŭdnuju dla Prydniastroŭja
Łukašysckija telehram-kanały zaklikajuć pachvalicca ŭ sacsietkach pierad Jeŭropaj tannym hazam u Biełarusi i Rasii. Ale baluča budzie tolki žycharam niepryznanaj prarasijskaj respubliki, jakaja zastałasia biez hazu ŭzimku.
Biełaruskaja prapahanda znoŭ vykarystoŭvaje zajezdžanuju temu pra toje, što ceny na haz u varožaj Jeŭropie bjuć rekordy, a voś u Sajuznaj dziaržavie byccam by ŭsio nastolki dobra, što možna ŭklučyć usie čatyry kamforki hazavaj plity.
Mienavita roliki ŭ takim styli i zaklikajuć rabić biełarusaŭ praŭładnyja kanały, kab pieradać ciopłaje pryvitańnie susiedziam ES.
«U nas — tanny haz, a ŭ vas?» — pytajucca łukašysty.
Praŭda, začapić u Jeŭropie taki trend moža tolki žycharoŭ adnoj krainy — niepryznanaha prarasijskaha Prydniastroŭja, jakoje sutyknułasia z enierhietyčnym kryzisam paśla taho, jak Ukraina spyniła 1 studzienia tranzit rasijskaha hazu. Žychary respubliki pasiarod zimy zastalisia biez aciapleńnia i haračaj vady, spynieny pramysłovyja pradpryjemstvy, a elektrasietki nie vytrymlivajuć nahruzki.
Haz pakul zastaniecca dastupnym dla pryhatavańnia ježy ŭ šmatkvaternych damach Prydniastroŭja. Heta budzie mahčyma dziakujučy zapasam u sistemie hazapravodaŭ, pakul cisk u sietcy nie źnizicca da krytyčnaha ŭzroŭniu.
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary