Nahodaj dla pratestaŭ stała spaleńnie kaladnaj jołki ŭ horadzie Sukajłabija.
Sotni demanstrantaŭ vyjšli na vulicy chryścijanskich rajonaŭ Damaska ranicaj u aŭtorak, kab pratestavać suprać spaleńnia kaladnaj jołki niedaloka ad Chamy, u centralnaj častcy Siryi, piša «Hołas Amieryki».
«My patrabujem roŭnych pravoŭ dla chryścijan», — skandavali pratestoŭcy, prachodziačy praź siryjskuju stalicu da budynka pravasłaŭnaha patryjarchata.
Pratesty ŭspychnuli krychu bolš čym praz dva tydni paśla taho, jak uzbrojenaja kaalicyja pad kiraŭnictvam isłamistaŭ zrynuła ŭrad Bašara Asada, jaki ŭjaŭlaŭ siabie abaroncam mienšaściaŭ u krainie ź pieravažna sunickim nasielnictvam.
Adzin z demanstrantaŭ, jaki nazvaŭ siabie Žoržam, zajaviŭ AFP, što pratestuje suprać «niespraviadlivaści ŭ adnosinach da chryścijanaŭ».
«Kali nam nie dazvolena žyć našaj chryścijanskaj vieraj u našaj krainie, jak raniej, to nam tut bolš nie miesca», — skazaŭ jon.
Pratesty pačalisia paśla taho, jak u sacyjalnych sietkach raspaŭsiudziłasia videa, na jakim bajeviki ŭ maskach padpalvajuć kaladnuju jołku ŭ horadzie Sukajłabija z chryścijanskaj bolšaściu.
Pa dadzienych Siryjskaj absiervatoryi pa pravach čałavieka, padpalščykami byli zamiežniki ź isłamisckaj hrupoŭki «Ansar at-Taŭchid».
Na inšym videa, apublikavanym u sacyjalnych sietkach, relihijny lidar siryjskaj isłamisckaj hrupoŭki «Chajat Tachryr aš-Šam» (CHTŠ), jakaja atrymała pieramohu, źviarnuŭsia da žycharoŭ, zajaviŭšy, što tyja, chto padpaliŭ jołku, — «nie siryjcy», i paabiacaŭ, što jany buduć pakaranyja.
«Jołka budzie adnoŭlena i zapalena da zaŭtrašniaj ranicy», — skazaŭ jon.
Isłamiscki ruch CHTŠ, jaki maje karani ŭ «Al-Kajdzie» i padtrymlivajecca Turcyjaj, paabiacaŭ abaraniać mienšaści paśla svajoj vokamhniennaj nastupalnaj apieracyi, u vyniku jakoj režym Asada byŭ skinuty ŭ pačatku śniežnia.
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru8
Kamientary
A pa sutnaści - jakaja roźnica, jakoje ciemrašalstva - sunickaje, šyickaje, pravasłaŭnaje, katalickaje? Treba budavać śvieckuju dziaržavu biez relihijnych zababonaŭ.