Dva čałavieki zahinuli, 68 paciarpieli z-za najezdu mašyny na kaladny kirmaš u Hiermanii. Padazravany zatrymany
Prynamsi dva čałavieki, adzin ź jakich — dzicia, zahinuli, 68 atrymali ranieńni ŭ vyniku najezdu aŭtamabila na ludziej na kaladnym kirmašy ŭ horadzie Mahdeburhu na ŭschodzie Hiermanii. Pavodle papiaredniaj viersii, najezd byŭ naŭmysnym, za rulom siadzieŭ vychadziec z Saudaŭskaj Aravii, jaki žyvie ŭ Hiermanii z 2006 hoda. Jon zatrymany, matyvy jaho ataki nieviadomyja, piša Bi-bi-si.
Jak paviedamiŭ kiraŭnik urada ziamli Saksonija-Anchalt Rajnier Chaziełof, padazravany ŭ najeździe — 50-hadovy mužčyna, vychadziec z Saudaŭskaj Aravii, doktar-psichijatr. Jon pryjechaŭ u Hiermaniju ŭ 2006 hodzie vučycca, paźniej byŭ pryznany biežancam. U jaho pastajanny dazvoł na žycharstva ŭ krainie.
Pavodle ŭdakładnienych źviestak, jakija pryvodziać ułady Mahdeburha, u vyniku najezdu paciarpieli 68 čałaviek, ź ich 15 atrymali ciažkija traŭmy.
Pa dadzienych ahienctva AFP, aŭtamabil, jak miarkujecca čorny BMW, na vialikaj chutkaści zajechaŭ u natoŭp i praniośsia skroź jaje jašče kala 400 mietraŭ. Mašyna, vierahodna, była arandavanaj.
Vidavočcy padziej raspaviali Reuters, što praz vysokuju chutkaść, ź jakoj ruchałasia mašyna, ludziej litaralna adkidała ad jaje.
Pravaachoŭniki ličać, što najezd byŭ naŭmysnym, padazravany dziejničaŭ u adzinočku. Vybuchoŭki ŭ mašynie nie znojdziena. Zychodziačy z hetaha, śledčyja miarkujuć, što niebiaśpieki dla žycharoŭ Mahdeburha paśla zatrymańnia padazravanaha bolš niama, adnak miesca zdareńnia i rańniaj ranicaj suboty zastavałasia ačeplenym.
Matyŭ ataki pa-raniejšamu nieviadomy. Ahienctva dpa sa spasyłkaj na krynicy ŭ pravaachoŭnych orhanach paviedamlaje, što padazravany nie byŭ isłamistam.
Ministerstva zamiežnych spraŭ Saudaŭskaj Arabii asudziła ataku, paviedamlaje Reuters.
Kancler Ołaf Šolc, jak čakajecca, naviedaje Mahdeburh u subotu. Jon vykazaŭ spačuvańnie paciarpiełym i skazaŭ, što jaho dumki — z achviarami i ich blizkimi.
U listapadzie fiederalny ministr unutranych spraŭ Nensi Fezier papiaredžvała, što kaladnyja kirmašy jak patencyjnyja mety napadaŭ ekstremistaŭ znachodziacca pad asablivym kantrolem pravaachoŭnikaŭ, i zaklikała ich naviedvalnikaŭ być pilnymi.
U červieni 2022 hoda aŭtamabil prajechaŭ praz natoŭp na adnoj z ažyŭlenych vulic Bierlina, paśla čaho ŭrezaŭsia ŭ kramu kaśmietyki. Tady adzin čałaviek zahinuŭ i bolš za 30 atrymali ranieńni.
U 2016 hodzie hruzavik zajechaŭ u ludziej na kaladnym kirmašy ŭ centry niamieckaj stalicy. Za rulom byŭ Anis Amry, vychadziec z Tunisa, jaki atrymaŭ admovu ŭ nadańni prytułku ŭ Hiermanii. Pa viersii pravaachoŭnikaŭ, u jaho byli kantakty ź isłamistami. Amry byŭ zastreleny palicejskimi pry sprobie zatrymańnia ŭ Italii praź niekalki dzion. Achviarami trahiedyi tady stali 12 čałaviek.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki23
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary