Hramadstva2121

Byłaja žonka Kamisaranki raskazała, čamu schavała ad jaho svajo minułaje vebkam-madeli

«Jon spytaŭ, čamu ŭ internecie tak pišuć. Ja adkazała, što nie viedaju» — pryznajecca ŭkrainka Julija Šaškova, byłaja žonka biełaruskaha komika Słavy Kamisaranki.

Yulia Shyshkova Slava Komissarenko Julija Šiškova Słava KomissarienkoJulija Šyškova Słava Kamisaranka
Julija Šaškova i Słava Kamisaranka. Archiŭnaje fota ź instahrama dziaŭčyny

Nahadajem, u vieraśni 2023 hoda komik Słava Kamisaranka paviedamiŭ pra svoj šlub. Ale ščaście maładych było niadoŭhim. Jak akazałasia, mužčyna nie viedaŭ, što jaho žonka pracavała vebkam-madellu — zarablała, raździavajučysia na kamieru ŭ anłajnie. I hety padman jaho niepryjemna ŭraziŭ. Praź niekatory čas para razyšłasia.

Byłaja žonka Kamisaranki Julija Šaškova ŭ intervju jutub-kanału «Niežnyj riedaktor» zhadała, što paznajomiłasia z Kamisarankam dziakujučy sacsietkam. Humaryst napisaŭ joj. U toj čas jana žyła ŭ Maskvie. Tam maładyja ludzi i sustrelisia. Ad znajomstva da viasiella, pa słovach Julii, prajšło amal dva hady. Za hety čas Słava zmoh daviedacca šmat pra jaje minułaje, ale nie pra toje, što jana była vebkam-madellu.

Praŭda adkryłasia paśla taho, jak Jula raźmiaściła ŭ sacsietkach viasielnyja zdymki, i karystalniki vyjavili pracu veb-madellu ŭ jaje bijahrafii.

«Ja pra heta ničoha nie viedaŭ, a kali ja daviedaŭsia i spytaŭ, mnie ŭsio roŭna schłusili», — napisaŭ tady Kamisaranka ŭ sacsietkach.

U intervju Julija pryznajecca: «Kali ŭžo adbyłasia situacyja, kali hetyja fotki źlilisia, jon u mianie spytaŭsia, nie bačačy jašče hetych zdymkaŭ. Zadaŭ pytańnie, typu čamu jany tak pišuć. Ja adkazała: «Nie viedaju».

Ale ja adkazała nie tamu, što nie chaču havaryć, a praz toje, što ludzi pastajanna pišuć [typu]: «Jana vyhladaje, jak prastytutka» ci niešta jašče. I ŭ momancie, [kali jon pytaje], u mianie [była] takaja dumka: «Nu znoŭ niejki durań niešta napisaŭ».

Ale pa fakcie atrymlivajecca, što tak. (…) Ja liču, što padmanuła».

Julija Šyškova. Skryn videa: mingalimova / YouTube

Adnosna taho, čamu Słava Kamisaranka nie źviarnuŭ uvahu na toje, što instahram dziaŭčyny maje nazvu «CAMWOMAN», Julija tłumačyć:

«Heta ŭvohule vielmi śmiešnaja situacyja. Instahram ja stvaryła, kali mnie było 16 ci 17 hadoŭ. Što takoje «CAM»? Heta skaračeńnie ad pieršych litar «CAMERA». «Kamiera» raŭniajecca «fota», «fota» raŭniajecca «instahram». Takaja łohika prysutničała ŭ majoj hałavie, kali ja stvarała instahram. Heta było da vebkamu». (…) Paźniej mnie heta było zabaŭna, što tak usio paviarnułasia».

Raskazać, jak vyhladali pieršyja dni, kali Kamisaranka daviedaŭsia pra jaje pracu vebkam-madelju, Jula admoviłasia.

Pa jaje słovach, «ludzi prydumvajuć, što niechta niekaha kinuŭ, niechta niekaha pryniziŭ ci niešta jašče. My dva darosłyja čałavieki, jakija lubili adno adnaho, jakija dobraachvotna pažanilisia adno z adnym. Naturalna, kali adbyłasia situacyja, my ŭsio heta abmiarkoŭvali, nichto ni na kaho nie kryčaŭ, nichto nikomu ničoha drennaha nie kazaŭ. My za niekalki dzion ci tydniaŭ pastupova, štodzionna abmiarkoŭvajučy heta pytańnie, pryjšli da sumiesnaha ŭzajemnaha rašeńnia».

Julija zaŭvažaje, što joj nie padabajecca, kali ludzi niešta daprydumvajuć, asabliva, kali heta adbivajecca na kimści.

Julija Šaškova i Słava Kamisaranka. Archiŭnaje fota ź instahrama dziaŭčyny

Julija admoviłasia adkazać i na pytańnie pra toje, što kankretna stała pryčynaj dla razvodu — toje, što jana nie skazała praŭdu, ci toje, što Kamisaranka paličyŭ dla siabie niemahčymym žyć z čałaviekam, jaki zajmaŭsia vebkamam.

«Heta vielmi asabistaje. Heta datyčyć nie tolki mianie. I ja nie zmahu adkazać na heta pytańnie. Pra siabie ja mahu adkazać, što liču patrebnym. Pra druhoha čałavieka — nie.

Niavažna, jakija ŭ kaho byli dumki i adnosiny da čahości. My zrabili tak, kab dalej praciahvać žyć, budavać svajo žyćcio ščaśliva, i kab usio va ŭsich było dobra».

Jula pryznajecca, što rasstańnie sa Słavaj Kamisarankam dla jaje było balučym. Ciapier jana pa im nie sumuje, ale ŭdziačnaja za toje, što jon navučyŭ jaje vieryć u siabie:

«U mianie svajo žyćcio. Ja vielmi mocna jamu ŭdziačnaja za ŭsio. U mianie niama taho, što ja pa im sumuju. Kali ja pra jaho zhadvaju, to ŭ mianie prosta pačućcio ŭdziačnaści i pavahi da jaho. (…) Jon mnie pastajanna takija cudoŭnyja słovy havaryŭ. «Ty vydatnaja. Ty pavier u siabie». (…) To-bok jon mianie litaralna prymusiŭ siabie palubić».

Kamientary21

  • Tak
    10.12.2024
    "vebkam-madeli" - jaki cikavy eŭfiemizm na elektronnaje kurev***.
  • Złobnyj vožyk
    10.12.2024
    Po niej vsie vidno, čto Š ona nie ot słova Šlub. Słava, kakim nužno byť ślepym? Sdiełaj łaziernuju korriekciju zrienija.
  • Pienia
    10.12.2024
    Bienia, jon nie Słava, jon – Viačasłaŭ

Ciapier čytajuć

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami9

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami

Usie naviny →
Usie naviny

U paŭdniovaj Jeŭropie prajšli mitynhi suprać turystaŭ

Susiedzi zrabili kuchniu ŭ łodžyi, i ciapier u susiedziaŭ čuvać zvon posudu

«Abzvońvajem dziaciej, unukaŭ». Čynoŭniki z ruletkami pajšli praviarać vyšyniu travy na ŭčastkach biełarusaŭ20

Maładziečancy ciaham troch dzion nazirali za maładoj kačkaj, jakaja zvaliłasia ŭ kałodziež fantana ŭ parku1

U Biełarusi zaŭvažyli fłaminha?

Stała viadoma, chto źjaŭlajecca chedłajnieram Schodu nieabyjakavych — mierapryjemstva apanientaŭ Cichanoŭskaj22

Namieśnika načalnika biełčyhunki Dułuba buduć sudzić pa dvuch artykułach. Jaho zatrymali za chabar, a doma znajšli jašče $3 młn

«Tufli — 400 rubloŭ». Vypuskniki dzielacca, u kolki abyšlisia ich vobrazy13

Biełarusaŭ z ženieŭskimi pašpartami nie puścili ŭ Varšavie na samalot u Małdovu7

bolš čytanych navin
bolš łajkanych navin

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami9

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami

Hałoŭnaje
Usie naviny →

Zaŭvaha:

 

 

 

 

Zakryć Paviedamić