Biełaruski komik ciapier pražyvaje ŭ Prazie, ale šmat hastraluje.
Biełaruski komik Słava Kamisaranka zaraz žyvie ŭ stalicy Čechii. Pra heta jon raskazaŭ padčas adnaho sa svaich kancertaŭ.
«Ja ciapier žyvu ŭ Prazie. Mnie vielmi padabajecca žyć u Prazie. Ja žyvu ŭ rajonie Vinahrady. Chadžu lačycca ŭ kanadskuju kliniku voś», — skazaŭ Słava Kamisaranka pad śmiech publiki.
«Nu ŭsio-usio. Ja ciapier žyvu adzin i vielmi rady, što tut tak smačna», — dadaŭ jon. Jon taksama raskazaŭ, što šmat hastraluje.
Tak, z 14 krasavika budzie jaho tur pa Polščy: Krakaŭ, Hdańsk, Ščečcyn, Katavicy, Bydhašč, Urocłaŭ, Biełastok, Varšava.
Nahadajem, što ŭ vieraśni 2023 hoda Słava Kamisaranka paviedamiŭ pra svoj šlub. Ale ščaście maładych było niadoŭhim. Jak akazałasia, Słava Kamisaranka nie viedaŭ, što jaho žonka — byłaja vebkam-madel. I hety padman jaho niepryjemna ŭraziŭ.
«U hetaj situacyi žudasna ŭsio, pra hetu situacyju źnievažalna kazać, ale maŭčać pra jaje, napeŭna, jašče bolš źnievažalna. (…) Nie, ja pra heta ničoha nie viedaŭ, a kali ja daviedaŭsia i spytaŭ, mnie ŭsio roŭna schłusili», — napisaŭ tady Kamisaranka.
Žonka Julija Šaškova paźniej źmiaściła dopis u sacsietkach, što niekalki tydniaŭ sapraŭdy zajmałasia vebkamam i daŭno daravała sabie tuju pamyłku.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu11
Kamientary