Hanna Smolina, žonka druhoj rakietki Biełarusi Jahora Hierasimava, paciarpieła ad złodzieja prosta ŭ hateli.
30-hadovaja Hanna spyniłasia ŭ darahim hateli ŭ centry Sankt-Pieciarburha, piša «Kamsamolskaja praŭda». Pakinuŭšy svaje rečy ŭ numary, minčanka adpraviłasia pahulać pa horadzie. A viarnuŭšysia ŭviečary, vyjaviła, što ź jaje numara źnikli dva ŭpryhažeńni: siarebrany łancužok z kryžykam i załaty łancužok z załatym kułonam z małachitam ad viadomaha francuzskaha brenda juvielirnych upryhožvańniaŭ. Košt tolki adnaho kułona skłaŭ bolš za 10 tysiač rubloŭ. Hanna źviarnułasia ŭ palicyju. Doŭha šukać padazravanaha nie pryjšłosia.
Zatrymanym akazaŭsia 20-hadovy hramadzianin Centralnaj Azii, adzin z supracoŭnikaŭ hatela.
Chłopiec raskazaŭ palicyi, jak usio adbyłosia. U jaho abaviazki ŭvachodziła ŭborka pakojaŭ pastajalcaŭ u hateli i ŭ numar da Hanny Smolinaj jon taksama zajšoŭ, kab jaho aśviažyć. Kali jon navodziŭ paradak u vannym pakoi, to zaŭvažyŭ ŭpryhažeńni, jakija lažać u škatułcy, i vyrašyŭ ich prysvoić. Skradzienyja kaštoŭnaści jon nie paśpieŭ pradać: ich kanfiskavali i viarnuli haspadyni.
Muž Hanny Smolinaj — Jahor Hierasimaŭ, adzin ź viadučych tenisistaŭ Biełarusi, zajmaje druhoje miesca ŭ rejtynhu najlepšych hulcoŭ krainy. Jon niekalki razoŭ udzielničaŭ u turnirach Vialikaha Šlema, ale dalej za druhi kruh, u tym liku na Uimbłdonskim turniry, jamu prajści nie ŭdavałasia.
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary