Fiestyval intelektualnaj knihi Pradmova 30 listapada i 1 śniežnia zavitaje ŭ Poznań: litaratura, muzyka, teatr i mastactva pajadnajucca na placoŭkach fiestyvalu, kab stvaryć atmaśfieru dla tvorčych sustreč i intelektualnych dyskusij.
Na praciahu dvuch dzion fiestyval prapanuje šyrokuju prahramu, jakaja ŭklučaje prezientacyi knih i aŭtarskich prajektaŭ, lekcyi, kancerty, śpiektakli i interaktyŭnyja majstar-kłasy. Pradmova ŭ Poznani stanie miescam sustrečy biełaruskich i zamiežnych aŭtaraŭ, dzie kožny zmoža dałučycca da dyjałohu pra sučasnuju kulturu, historyju i sacyjalnyja vykliki.
Siarod jarkich padziej fiestyvalu — prezientacyja paetyčnaha zbornika «Astralabija Božych tajamnic» ad biełaruskamoŭnaj paetki ź Ispanii Anchieły Eśpinosy Ruis, jakaja demanstruje suviaź biełaruskaj movy i kultury ź mižnarodnaj supolnaściu. Hanna Jankuta pradstavić svaju dziciačuju knihu «Kot Šprot i viežavy hadzińnik», jakaja ŭžo palubiłasia maleńkim čytačam, taksama ŭ miežach poznańskaj Pradmova adbuducca pierfarmatyŭnyja čytańni Ženi Davidzienki «10 hadzin naŭprost dadomu» i pakaz śpiektakla «Šum» ad Teatr Emigrant.
Dla amataraŭ historyi i kultury adbuducca cikavyja lekcyi i dyskusii. Siarod ich vystup Viktara Šadurskaha i prezientacyja jaho daśledavańnia «Naradžeńnie biełaruskaha Levijafana», pryśviečanaha pieryjadu pierachodu Biełarusi ad parłamienckaj respubliki da aŭtarytaryzmu.
Navukovaja siensacyja čakaje naviednikaŭ imprezy «Minułaje i budučaje biełaruskaha samvydavu» ad Taćciany Astroŭskaj i Uładzisłava Harbackaha.
Muzyčnaja častka fiestyvalu abjadnoŭvaje roznyja farmaty i styli: ad śpieŭnych schodaŭ da sučasnych prajektaŭ, takich jak muzyčna-paetyčny prajekt «Litaranoty» i biełaruski muzyka, chip-chop-vykanaŭca Mandzik stanuć jarkim zaviaršeńniem adnaho ź fiestyvalnych dzion. Na ŭsich placoŭkach budzie pracavać knižny kirmaš, dzie naviedvalniki zmohuć nabyć navinki biełaruskaj litaratury, paznajomicca z novymi vydańniami i pahutaryć z aŭtarami i vydaŭcami.
Pradmova ŭ Poznani — heta miesca dla tych, chto šukaje natchnieńnia, novych idej i kantaktaŭ, a taksama mahčymaści pahłybicca ŭ biełaruskuju kulturu, jakaja raźvivajecca navat pa-za miežami svajoj krainy. Uvachod na bolšaść mierapryjemstvaŭ volny, ale niekatoryja padziei patrabujuć papiaredniaj rehistracyi.
Poŭnaja prahrama pa spasyłcy.
Ciapier čytajuć
Hamielčuka vyzvalili ad adkaznaści za ŭdzieł u pratestach praz toje, što ŭžo prajšło piać hadoŭ. Heta taki pieršy viadomy vypadak1
Kamientary