Polskaja prakuratura zakryła spravu pra napad futbolnych fanataŭ na biełaruskaha treniera
Polskija pravaachoŭniki tak i nie zmahli znajści, chto napadaŭ na biełaruskaha treniera Alaksandra Chackieviča, i ŭ vyniku spravu zakryli, piša «Biełsat».
U sakaviku hetaha hoda hrupa chulihanaŭ uvarvałasia na treniroŭku polskaha futbolnaha kłubu «Zahłembie» z Sasnoŭca i nibyta pabiła treniera kłuba — biełarusa Alaksandra Chackieviča. Napadniki kryčali, kab jon jechaŭ nazad u Biełaruś. Kanflikt udałosia sucišyć paśla ŭmiašańnia inšych čalcoŭ kamandy.
Ahient Chackieviča Vadzim Šablij paśla zdareńnia, praŭda, raskazaŭ, što treniera nie bili, a «byli tolki sproby i pahrozy na jahony adras z boku niezrazumiełych ludziej, chulihanaŭ».
Kamanda na toj čas zajmała apošniaje miesca ŭ druhim dyvizijonie Polščy.
Sam Chackievič paśla napadu havaryŭ, što nie źbiraŭsia padavać zajavu nakont hetaha incydenta, ale kryminalnaja palicyja nastajała na napisańni zajavy, kab pačać rasśledavańnie.
«My atrymali list ad prakuratury, što nikoha nie ŭdałosia znajści i sprava zakrytaja. Ja nie ździŭleny. U Polščy jość sistema pravasudździa, palicyja, prakuratura, sud, spadziajusia, što rašeńnie pryniali kampietentnyja ludzi», — cytuje vydańnie Onet słovy byłoha spartyŭnaha dyrektara kłuba Michaiła Zaleŭskaha.
Nieŭzabavie paśla taho Chackievič i Zaleŭski pakinuli kłub «Zahłembie». A ich užo byłaja kamanda ŭrešcie vylecieła z druhoha dyvizijona.
Zvolnieny Chackievič atrymaje kampiensacyju ad polskaha kłuba
Hulcy «Zahłembie» kažuć, što Chackievič staviŭsia da ich jak da śmiećcia
«Zahłembie» vystupiŭ z zajavaj nakont situacyi z Chackievičam i anansavaŭ kadravyja źmieny ciaham sutak
Chackievič: Kłub nie pakłapaciŭsia ab naležnaj biaśpiecy
Polskija futbolnyja fanaty ŭvarvalisia na treniroŭku i źbili biełaruskaha treniera Alaksandra Chackieviča
Biełaruski trenier Alaksandr Chackievič trapiŭ u niajomkuju situacyju ŭ Polščy
Kamientary