«Kvatera była zachłamlenaja». Na pažary ŭ minskaj Kurasoŭščynie zahinuŭ čałaviek
Pažar adbyŭsia ŭčora ŭ adnoj z kvater doma pa vulicy Kazinca, 49.
Paviedamleńnie MNS atrymała ŭ 12:34. Ratavalniki nakiravalisia na miesca zdareńnia i ŭbačyli niezvyčajna husty dym, jaki litaralna achapiŭ uvieś budynak, paviedamlaje Onliner.by sa spasyłkaj na MNS.
Padčas tušeńnia pažaru rabotniki MNS znajšli mužčynu i žančynu ŭ nieprytomnym stanie. Ich vynieśli na śviežaje pavietra i pieradali ŭ ruki bryhady chutkaj miedycynskaj dapamohi. Aboje pryjšli ŭ prytomnaść i byli špitalizavanyja z traŭmami roznaj stupieni ciažkaści.
Adznačajecca, što kvatera była mocna zachłamlenaja. Heta stała pryčynaj hustoha dymu, jaki pieraškadžaŭ tušeńniu. Padčas raźbirańnia zharełaj majomaści pad kučaj śmiećcia ratavalniki znajšli cieła mužčyny — haspadara kvatery. Miedyki kanstatavali jaho śmierć.
Śpiecyjalisty ŭstanavili, što ŭzharańnie adbyłosia ŭ adnym z pakojaŭ i na bałkonie. U vyniku pažaru ŭ trochpakajovaj kvatery paškodžana majomaść, zakopčany ścieny i stol. Pryčyna trahiedyi vyśviatlajecca śpiecyjalistami.
Kamientary