Bank abaviazali viarnuć ludziam hrošy, jakija niezakonna źbiralisia ź ich niekalki hadoŭ
Bolš čym paŭtary tysiačy biełarusaŭ, jakija brali kredyt u adnym z bankaŭ jašče viasnoj 2022 hoda, majuć atrymajuć ad jaho niečakanyja vypłaty. Takoje rašeńnie pryniała Hienieralnaja prakuratura paśla pravierki finansavaj ustanovy.
U viedamstvie nie paviedamili, pra jaki mienavita bank idzie havorka, ale apisali ahulnyja abstaviny pravierki.
Pa mierkavańni prakuratury, bank parušyŭ hramadzianskaje i bankaŭskaje zakanadaŭstva, vyznačyŭšy ŭ krasaviku 2022 hoda fiksavanuju pracentnuju staŭku pa kredytach. Pry hetym umovy kredytavańnia byli źmienienyja ŭ adnabakovym paradku, nie pytajučysia zhody klijentaŭ, jakija raniej aformili kredyt pa płavajučaj staŭcy, što zaležała ad staŭki refinansavańnia Nacbanka. Klijentam prosta paviedamili, što ciapier jany buduć płacić pa fiksavanaj staŭcy.
«Pakolki z 2023 hoda staŭka refinansavańnia źnižałasia, pa pieršapačatkovych umovach kredytnych damoŭ pracenty pavinny byli pamienšycca», — rastłumačyli ŭ Hienprakuratury.
Inakš kažučy, bank sprabavaŭ zastrachavać siabie ad straty prybytku, ale prakuratura pryznała takija adnabakovyja źmieny niezakonnymi. U vyniku bolš čym 1,5 tysiačy biełarusaŭ płacili pa voli banka zavyšanyja pracenty, što było rasceniena jak nieabhruntavanaje ŭzbahačeńnie banka.
Bank atrymaŭ dyscyplinarnaje papiaredžańnie ad namieśnika hienieralnaha prakurora i abaviazany viarnuć klijentam usie niezakonna atrymanyja hrošy.
Dadatkovyja pahadnieńni, jakija vyznačali novuju fiksavanuju staŭku i abmiažoŭvali pravy klijentaŭ, pryznali niesapraŭdnymi. Bank pavinien viarnuć nie tolki hrošy, ale i pracenty za karystańnie i pieniu za niapravilna naličanyja płaciažy.
Hienprakuratura pa toj ža schiemie płanuje pravieryć i inšyja banki, pra što jana ŭžo paviedamiła Nacyjanalnamu banku.
Ciapier čytajuć
Zała ŭ Minsku ŭstała pry vykanańni «Malitvy» Janki Kupały VIDEA3
Kamientary