Padoŭžyli termin dziejańnia kredytnaj prahramy «Na rodnyja tavary»
Urad Biełarusi padoŭžyŭ dziejańnie kredytnaj prahramy «Na rodnyja tavary» da kanca 2026 hoda. Adpaviednuju pastanovu Savieta Ministraŭ padpisaŭ premjer ministr Alaksandr Turčyn.
Dakumientam istotna pašyranyja jak śpis tavaraŭ, jakija možna nabyć u kredyt, tak i koła biełaruskich vytvorcaŭ — udzielnikaŭ prahramy.
Ciapier za lhotnyja kredyty možna nabyvać nie tolki tradycyjnyja ajčynnyja tavary, ale i kampjutarnuju techniku (noŭtbuki, manitory, monabłoki, sierviery, sistemnyja błoki), budaŭničyja materyjały (špalery, lusterki, portłandcemient), pradukcyju lohkaj pramysłovaści viadomych biełaruskich brendaŭ (adzieńnie, čamadany, sumki z naturalnaj skury, siervizy), a taksama bytavuju i elektratechniku, srodki małoj miechanizacyi, samakaty, elektrasamakaty, aciaplalnyja prybory i inšyja tavary.
Akramia taho, pavialičany pieralik vytvorcaŭ, pradukcyja jakich udzielničaje ŭ prahramie. Da jaho dałučanyja pradpryjemstvy, što vypuskajuć aciaplalnaje abstalavańnie, mota– i viełatavary, draŭlanyja vokny i dźviery, meblu, bytavuju techniku, televizary, sanitarna-techničnyja vyraby, adzieńnie z naturalnaha futra i inšuju pradukcyju.
Kredyty ŭ miežach prahramy vydaje Biełarusbank na lhotnych umovach — pad 4% hadavych. Pry hetym źmienienyja i terminy pahašeńnia kredytaŭ: jany ciapier zaležać ad katehoryi nabytaha tavaru i mohuć składać adzin, dva abo try hady.
Maksimalny, trochhadovy termin pahašeńnia zachavaŭsia dla darahich pakupak, takich jak draŭlanyja damakamplekty, aciaplalnyja katły, srodki małoj miechanizacyi, matacykły i mapiedy.
Prodažy knih biełaruskich aŭtaraŭ vyraśli na 200%
50 ajčynnych vytvorcaŭ dałučylisia da brenda «Svajo»
Na rasijskich tavarach biełaruskuju movu možna sustreć ci nie čaściej, čym na biełaruskich. Čamu tak?
Łukašenka: Usie chočuć kupić adzieńnie ad «Hučy» i «Viersače». Ale navošta tracicie hrošy na takuju drabiazu
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju23
Kamientary