Kiraŭnik Čačni Ramzan Kadyraŭ paviedamiŭ, što pryznačyŭ svajho 20‑hadovaha syna Achmata vykanaŭcam abaviazkaŭ vice-premjer-ministra respubliki. Pry hetym Achmat zastaniecca na pasadzie ministra pa fizičnaj kultury i sporcie Čačni.
Kadyraŭ padkreśliŭ, što jahony syn vałodaje značnym kiraŭničym dośviedam, vysokimi prafiesijnymi jakaściami, sistemnym padychodam da pracy i vialikaj adkaznaściu. Pa jaho słovach, jon dobra raźbirajecca ŭ svajoj śfiery i ŭžo zrabiŭ važki ŭniosak u raźvićcio respubliki.
Dzieci i inšyja svajaki Ramzana Kadyrava rehularna atrymlivajuć vysokija pasady i rehijanalnyja ŭznaharody. Tak, jaho dačku Chadzižat u 24 hady pryznačyli pieršaj namieśnicaj kiraŭnika administracyi kiraŭnika i ŭrada Čačni. Achmat Kadyraŭ užo ŭ 18 hadoŭ staŭ namieśnikam ministra sportu, ministram pa spravach moładzi i prezidentam futbolnaha kłuba «Achmat».
Inšy syn, Adam Kadyraŭ, u 16 hadoŭ uznačaliŭ słužbu biaśpieki svajho baćki, staŭ kurataram bataljona imia šejcha Mansura, a paźniej — kurataram Rasijskaha ŭniviersiteta śpiecnaza imia Uładzimira Pucina ŭ Hudermiesie. Taksama jon zajmajecca zboram srodkaŭ na humanitarnuju dapamohu žycharam siektara Haza.
Ramzan Kadyraŭ nie staŭ udakładniać, ci źviazanaje pryznačeńnie jahonaha syna z ułasnym stanam zdaroŭja. U śniežni jon vyhladaŭ vielmi asłablenym padčas «pramoj linii», a napiaredadni Novaha hoda ŚMI paviedamlali pra jaho špitalizacyju ŭ Maskvie.
Ramzan Kadyraŭ tydzień nie źjaŭlajecca na publicy. Kažuć, što jaho terminova špitalizavali ŭ Maskvie
Kłan Kadyravych va ŭładzie dasiahnuŭ amal 100 čałaviek
Kadyraŭ zajaviŭ, što ŭ jaho 17‑hadovaha syna Adama niama niezasłužanych uznaharod
«My niedaaceńvajem maštab asoby Kadyrava. Toje, što nam zdavałasia niemahčymym, mahčyma»
Kamientary