Sienatar Hrem nazvaŭ krainu, jakuju nieŭzabavie moža napatkać los Vieniesueły
Na dumku sienatara, režym Kuby nie zmoža vyžyć paśla padzieńnia prezidenta Vieniesueły Madura.
Paśla zachopu Vašynhtonam prezidenta Vieniesueły Nikałasa Madura kamunistyčny režym Kuby moža apynucca na miažy krachu. Pra heta zajaviŭ upłyvovy sienatar-respublikaniec Lindsi Hrem, pieradaje The Hill.
«Kamunistyčnaja dyktatura na Kubie nie maje šancaŭ vyžyć paśla zrynańnia Madura. Usio skončana, heta tolki pytańnie času», — zajaviŭ Hrem.
Žurnalisty taksama nahadvajuć słovy Trampa, jaki zajaviŭ, što režym Kuby «hatovy da padzieńnia». Heta abumoŭlena tym, što Kuba — blizki sajuźnik Vieniesueły i mocna zaležyć ad impartu nafty z hetaj krainy.
Pra situacyju na Kubie vydańnie piša tak: kraina bolš za 60 hadoŭ znachodzicca pad uładaj kamunistyčnaj dyktatury. A Human Rights Watch śviedčać, što na 2024 hod urad Kuby «praciahvaje zdušvać i karać usie formy inšadumstva i publičnaj krytyki» na fonie vostraha ekanamičnaha kryzisu.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary