Dziarždepartamient ZŠA apublikavaŭ u sacsietkach zvarot na ruskaj movie z papiaredžańniem «nie hulać u hulni» z Donaldam Trampam. U paviedamleńni padkreślivajecca, što Tramp — čałaviek dziejańniaŭ, i ciapier, maŭlaŭ, heta stała vidavočna.
«Prezident Tramp — čałaviek spravy. Nie viedali? Ciapier viedajecie», — havorycca ŭ publikacyi ŭ sacsietcy Ch.
Anałahičny post źjaviŭsia i ŭ akaŭncie viedamstva na farsi — aficyjnaj movie Irana. Aryhinalnaje paviedamleńnie na anhlijskaj movie było apublikavana jašče 3 studzienia — paśla amierykanskaj apieracyi ŭ Vieniesuele.
Post supravadžajecca fota, na jakim Tramp razam z členami svajoj administracyi naziraje za chodam apieracyi «Absalutnaja rašučaść».
U noč na 3 studzienia ZŠA nanieśli ŭdary pa stratehičnych abjektach u Karakasie i zatrymali prezidenta Vieniesueły Nikałasa Madura razam ź jaho žonkaj. Ich dastavili ŭ ZŠA, dzie sprava budzie razhladacca ŭ sudzie.
Paźniej Dziarždepartamient ZŠA zajaviŭ, što Zachodniaje paŭšarje — heta «naša zona», i Tramp nie dapuścić pahroz biaśpiecy ZŠA. Sam Tramp paśla apieracyi skazaŭ, što Vašynhton hatovy časova ŭziać kiravańnie Vieniesuełaj na siabie i nie vyklučyŭ uvodu ŭ jaje vojskaŭ. Madura ž na sudzie ŭ Ńju-Jorku viny svajoj nie pryznaŭ i zajaviŭ, što ličyć siabie zakonnym prezidentam krainy.
Zachop Madura razburyŭ mif pra niepieramožnaść kubinskaj raźviedki
Tramp: U nastupnyja 30 dzion vybary ŭ Vieniesuele niemahčymyja — «spačatku my pavinny navieści paradak u krainie»
«Hałoŭny ja»: Tramp nazvaŭ hrupu čynoŭnikaŭ ZŠA, jakija buduć kiravać Vieniesuełaj
Kim była žonka Nikałasa Madura? Jana nie takaja prostaja
Situacyja nazyvajecca «Madura davykabielvaŭsia»
«Jak tolki dyktatury sutykajucca z realnaj siłaj, jany chutka cierpiać parazu»
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary
Jašče b chto adciahnuŭ Vieniesuełu ad hramadzianskaj vajny.