Tramp naziraŭ zachop Madura ŭ žyvym efiry. «ZŠA buduć vyrašać, chto budzie kiravać Vieniesuełaj dalej»
Donald Tramp u intervju Fox News prakamientavaŭ zachop prezidenta Vieniesueły Nikałasa Madura i jaho žonki.
Jon raskazaŭ, što Madura zatrymali ŭ jaho domie da taho, jak toj paśpieŭ spuścicca ŭ śpiecyjalna abaronienaje pamiaškańnie. Sam Tramp naziraŭ apieracyju zachopu ŭ žyvym efiry na ekranie. «Ja litaralna hladzieŭ heta jak telešoŭ. Heta było ŭražliva — uzrovień prafiesijanalizmu i jakaść kiraŭnictva».
Niekalki amierykancaŭ atrymali ranieńni. Madura i jaho žonku vyvieźli ź Vieniesueły na viertalocie i vysadzili na karabiel, na jakim ich dastaviać u Ńju-Jork.
Apieracyja pavinna była prajści čatyry dni tamu, ale nadvorje było nie idealnym.
«My budziem aktyŭna ŭdzielničać u vyrašeńni pytańnia ab tym, chto budzie kiravać krainaj. My nie možam ryzykavać, dazvalajučy kamuści inšamu kiravać i prosta zavałodvać tym, što jon pakinuŭ», — zajaviŭ Tramp.
«My chočam prynieści svabodu narodu. Ja liču, što narod Vieniesueły vielmi, vielmi ščaślivy. Imi kiravała dyktatura — ci navat horš».
Tramp vykazaŭsia i pra Mieksiku.
«[Prezidentka Mieksiki] Kłaŭdzija Šejnbaŭm — dobraja žančyna, ale Mieksikaj kirujuć karteli. Jana nie kiruje Mieksikaj — Mieksikaj kirujuć karteli. Ź Mieksikaj treba niešta rabić».
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary