U Polščy znajšli sposab ažyvić zaniapałuju viosku na miažy ź Biełaruśsiu
Nievialikaja polskaja vioska Małyja Aziarany, jakaja znachodzicca kala samaj miažy ź Biełaruśsiu, pastupova ažyvaje. Heta adbyłosia dziakujučy inicyjatyvie jaje sołtysa (starasty) Lešaka Skrodskaha, paviedamlaje tvn24.pl.
Lešak Skrodski abviaściŭ, što hatovy zdavać ziamlu ŭ vioscy za simvaličnuju płatu — 100 złotych (kala 25 dalaraŭ) u miesiac za tysiaču kvadratnych mietraŭ. Akramia taho, jon dapamahaje znachodzić spadkajemcaŭ uładalnikaŭ chat, jakija pustujuć, i asabista sustrakaje novych žycharoŭ, kab padtrymać ich pry pierajeździe.
Pieršym, chto adhuknuŭsia na prapanovu, byŭ biełaruski muzyka Jaŭhien Kučmiejna. Jon pierajechaŭ u viosku z Varšavy jašče vosieńniu i raźmiaściŭsia ŭ pieraabstalavanym śvirnie ŭ domie sołtysa. Ciapier Jaŭhien žyvie i pracuje ŭ Aziaranach, a miascovyja krajavidy natchniajuć jaho na zapis alboma.
Sołtys adznačaje, što cikavaść da vioski akazałasia značna bolšaj, čym čakałasia: ludzi telefanavali, pryjazdžali ahledzieć terytoryju, a niekatoryja vyrašyli atabarycca tut nazaŭsiody. Siarod ich šmat ludziej kultury, roznych tvorcaŭ.
Siarod inšych siudy płanuje pierajezd siamja ź Minska, jakaja ciapier žyvie ŭ Varšavie. Biełarusy chočuć pabudavać tut jurtu i pasialicca ŭ joj letam.
Ciapier stała ŭ Aziaranach žyvuć tolki dva čałavieki, adzin ź jakich — paet Mirasłaŭ Sabański. Jon ličyć, što ŭ vioski, dzie ŭ 1960‑ia hady było kala 200 žycharoŭ, jość šaniec na adradžeńnie: tut jość internet, cišynia, pryroda i prastora dla tvorčaści.
Sołtys, u svaju čarhu, padkreślivaje, što Aziarany padyjduć tym, chto nie baicca prostych umoŭ žyćcia: vada sa studni, a krama znachodzicca prykładna za dziesiać kiłamietraŭ. Adnak ža ŭzamien pierasialency atrymlivajuć spakoj i čystaje pavietra.
Jak žyvuć ludzi ŭ samaj chałodnaj vioscy płaniety — tam byvaje minus 71°C
«Kali b u Biełarusi ŭsio było dobra, to vašy b nie jechali siudy pa kaŭbasu». Repartaž z prymiežnych Babroŭnikaŭ
«Niekatorych maich siabroŭ biełaruščynaj pierakarmili». Jak naradzicca i ŭsio žyćcio pražyć u Sibiry, a ličyć siabie biełaruskaj?
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro9
Kamientary