Śpiavačka Lera Jaskievič padzialiłasia bolem: «Mahčyma, ja nie zmahu vypuskać pieśni pad svaim imiem». Što zdaryłasia?
Lera Jaskievič apublikavała ŭ instahramie zahadkavaje videa, u jakim ahučyła hałoŭny strach na siońnia: «Isnuje vierahodnaść, što ja bolš nikoli nie budu publikavać pieśni pad svaim imiem — «Lera Jaskievič». Śpiavačka dapuskaje, što moža źmianić kirunak tvorčaści: jana navat zamoviła sabie šviejnuju mašynku, kab vučycca šyć.
U padviešanym stanie artystka znachodzicca bolš za miesiac.
«U pačatku śniežnia ŭ mianie zdaryłasia nie samaja pryjemnaja «raspakoŭka». Ja ŭpieršyniu stuknułasia z takim u svaim žyćci, usio adčuvajecca jak siur. Ci jak banalny siužet z televizara, dzie ŭsie čarhovy raz kažuć: «važna hladzieć, dzie staviš podpis» (navat kali hetuju papierku praciahvaje blizki (jak ty dumaješ) čałaviek», — raspaviała błohierka.
U suviazi z novymi abstavinami moža akazacca tak, što śpiavačka nie zmoža praciahvać pisać pieśni i vypuskać ich pad svaim imiem i proźviščam.
«Ja čałaviek, jaki zdymaje videa sa školnych časoŭ — dla mianie heta i tvorčaje samavyjaŭleńnie, i sproba znajści adnadumcaŭ ci rekłamadaŭcaŭ, kab manietyzavać svaju pracu. A ciapier toj typ kantentu, jaki byŭ skiravany na prasoŭvańnie majoj tvorčaści (a heta bolšaja častka kantentu), jon prosta robicca nieaktualny, i ŭ mianie adbyvajecca pieraklučeńnie samaśviadomaści. Kab vy razumieli, nakolki ŭsio surjozna — ja sabie zamoviła šviejnuju mašynku i źbirajusia navučycca šyć», — raspaviadała śpiavačka, ledź strymlivajučy ślozy.
Dziaŭčyna vyrašyła zapisać videapryznańnie, kab aŭdytoryja błoha, kali što, viedała, kudy jana źnikła ci čamu jaje kantent źmianiŭsia. Bolšaj kolkaściu detalaŭ na hety momant Lera dzialicca nie hatovaja, ale abiacała, što raskaža ŭsio ŭ budučyni padrabiaźniej.
Jak stała viadoma «Našaj Nivie», situacyja, u jakoj apynułasia Jaskievič, moža być źviazanaja ź jaje eks-mieniedžarkaj Hannaj Navickaj. Mienavita jana ŭ svoj čas zaŭvažyła Leru na jutubie, kali kaviery samarodka z Bahušeŭska, što ŭ Sieńnienskim rajonie Viciebskaj vobłaści, pačali hladzieć sotni tysiač čałaviek. Navickaja dapamahła Jaskievič pastupić u Biełaruski dziaržaŭny ŭniviersitet kultury i mastactvaŭ, zvaziła na ŭkrainski Ch-Faktar, mieniedžaryła jaje i była najlepšaj siabroŭkaj — dziaŭčaty navat zdymali razam kvateru.
Adnak siabroŭstva akazałasia słabiejšym za biznes-intaresy. Ciapier Lera Jaskievič ščylna pracuje ź jurystam, kab zrazumieć svaje mahčymaści pa abaronie ŭłasnaha brenda i aŭtarskich pravoŭ.
Niekatoryja fanaty ščyra ździvilisia abstavinam, pra jakija raskazała lubimaja artystka — niekatoryja ź ich ličyli, što Jaskievič pracuje jak niezaležnaja artystka i nie pryviazanaja da łejbłaŭ.
«U mianie była siabroŭka», — adkazała im śpiavačka, namiakajučy na vinoŭnicu žyćciovaha zavarotu.
Mieniedžarka Hanna Navickaja pakul nie adkazvaje na pytańni žurnalistaŭ. Viadoma, što siońnia jana zajmajecca staličnym hurtam «Barysaŭski trakt».
«Naša Niva» — bastyjon biełaruščyny
PADTRYMAĆŠčyraja hutarka ź Leraj Jaskievič, jakaja rvie internet muzyčnymi kavierami, pra adkaznaść pierad aŭdytoryjaj, pravincyju i pakaleńnie błohieraŭ
Błohierka Lera Jaskievič raskazała, jak vyjści zamuž za miažoj, kali ŭ vas skončyŭsia biełaruski pašpart
Novyja kumiry minskaj moładzi — hurt «Barysaŭski trakt»
Čym ciapier zajmajecca eks-udzielnik hurtu ŁSP Piatro Klujeŭ?
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary