MAZ i zavod aŭtamabilnych pryčepaŭ i kuzavaŭ «MAZ-Kupava» prezientavali aŭtadom «Kupava 273140» na bazie šasi MAZ-365022.
U aŭtamabili jość dyzielny ruchavik kłasa Jeŭra-5 mahutnaściu 150 k.s., 6‑stupieńčataja miechaničnaja karobka pieradač, antybłakirovačnaja sistema (ABS), sistema raźmierkavańnia tarmaznoha namahańnia (EBD) i sistema kursavoj ustojlivaści (ESC).
Tarmaznyja miechanizmy piarednich i zadnich kołaŭ — dyskavyja. Adznačajecca, što dla kiravańnia mikraaŭtobusam dastatkova pravoŭ katehoryi «B», paviedamlaje pres-słužba MAZa.
Taksama majecca aciaplalnaje skraznoje bahažnaje adździaleńnie i macavańni dla dvuch viełasipiedaŭ. Vytvorca adznačaje, što ŭ bazavuju kamplektacyju ŭvachodziać manhał, šampury i kazan.
Padtrymańnie tempieratury ŭ sałonie zabiaśpiečvajuć sistema kandycyjanavańnia i dva aciaplalniki, adzin ź jakich niezaležny i padtrymlivaje abahravańnie pry vyklučanym ruchaviku da 56 hadzin. Heta dazvalaje ekspłuatavać aŭtamabil u dyjapazonie tempieratur ad —30 °C da +40 °C.
U sałonie hetaj madeli praduhledžany dźvie spalnyja zony i dva kamplekty paścielnaj bializny dla raźmiaščeńnia čatyroch čałaviek, jakija začyniajucca štorami. Praduhledžany dva režymy aśviatleńnia: dzionny i načny.
Aŭtamabil abstalavany hazavaj varačnaj panellu z hazavym bałonam na 27 ł, vyciažkaj, myjkaj sa źmiašalnikam, ubudavanaj šafaj ź mini-chaładzilnikam abjomam 92 ł, a taksama adsiekami dla raźmiaščeńnia kuchonnaha načyńnia.
Stałovaja zona — stoł z padšklańnikami i čatyry miescy dla siadzieńnia, dva ź jakich — pavarotnyja. Majecca televizar, jaki tranśluje infarmacyju z USB-fłeš-nazapašvalnika abo videamahnitoły. Sanitarny vuzieł uklučaje myjku, tualet, duš i nitku dla suški rečaŭ. Sałon abstalavany tryma lukami, vodanahravalnikam (elektra-hazavy bojler), datčykami ŭzroŭniu vadkaści (čystaj i «šeraj» vady) i razdymam dla padklučeńnia aŭtamabila da źniešniaj krynicy siłkavańnia. Pa pravym i levym borcie ŭstalavanyja vokny sa štorami «Dzień—noč».
Manitorynh stanu sistem aŭtadoma ažyćciaŭlajecca jak z dapamohaj śpiecyjalnaj pryłady, ustalavanaj u aŭtamabili, tak i dystancyjna praz admysłovaje prykładańnie.
Ciapier čytajuć
Maładuju biełarusku pratrymali ŭ rasijskim SIZA amal 4 hady i apraŭdali. A kampiensacyju dali takuju, nibyta ŭ tvar plunuli6
Kamientary