U Biełarusi rychtujucca źmieny ŭ zakon, jaki rehuluje sistemu dziaržaŭnych uznaharod. Pra heta paviedamiŭ ministr justycyi Jaŭhien Kavalenka. Pavodle jaho słoŭ, užo raspracoŭvajecca zakonaprajekt «Ab źmianieńni Zakona Respubliki Biełaruś «Ab dziaržaŭnych uznaharodach Respubliki Biełaruś», jaki ŭklučany ŭ płan padrychtoŭki zakanadaŭčych aktaŭ na 2026 hod, zaćvierdžany Łukašenkam.
Padčas padrychtoŭki zakonaprajekta śpiecyjalisty roznych dziaržaŭnych orhanaŭ analizujuć niekalki važnych pytańniaŭ. Razhladajecca mahčymaść stvareńnia novych dziaržaŭnych uznaharod i hanarovych zvańniaŭ, udakładniajucca asobnyja normy dziejnaha zakona, a taksama vyvučajecca paradak vyłučeńnia hramadzian da ŭznaharodžańnia i patrabavańni da ludziej, jakija mohuć atrymać dziaržaŭnyja ŭznaharody.
Adnoj z najbolš prykmietnych prapanoŭ stała inicyjatyva Ministerstva pracy i sacyjalnaj abarony pa stvareńni novaha ordena z pracoŭnaj nazvaj «Baćkoŭskaja dobleść».
Miarkujecca, što takuju ŭznaharodu buduć atrymlivać siemji, jakija vychavali vialikuju kolkaść dziaciej i na praciahu mnohich hadoŭ pakazvajuć prykład inšym hramadzianam u zachavańni siamiejnych tradycyj, umacavańni siamiejnych kaštoŭnaściaŭ i vychavańni maładoha pakaleńnia.
Kamientary
dyk takich narmalnyja ludzi buduć abychodzić staranoj, jak čumy