Na «Biełaruśkalii» zahinuŭ 34‑hadovy Alaksiej. Trahiedyju zamaŭčali
Hibiel Alaksieja Čarapka — heta ŭžo druhaja śmierć na pradpryjemstvie za apošnija dni.
11 červienia stała viadoma, što na «Biełaruśkalii» zahinuŭ rabočy, a jašče dvoje atrymali traŭmy. 50‑hadovy rabočy atrymaŭ śmiarotnyja traŭmy praz razbureńnie dźviarnoj žalezabietonnaj pieramyčki (haryzont minus 620 m) na rudniku №3.
Jak stała viadoma «Našaj Nivie», heta nie apošniaja trahiedyja na pradpryjemstvie za tydzień — zahinuŭ jašče adzin supracoŭnik pradpryjemstva, Alaksiej Čarapok.
34‑hadovy mužčyna zahinuŭ padčas vykanańnia svaich pracoŭnych abaviazkaŭ — Alaksiej pracavaŭ na biarozaŭskim rudniku «Biełaruśkalija», na padziemnym učastku ŭnutryšachtavaha transpartu. Padčas vyhruzki rolikaŭ dla kanviejeraŭ jaho zadaviŭ pahruzčyk.
Zahinuły byŭ spartsmienam — u Salihorsku jon hulaŭ u mini-futboł, a taksama vystupaŭ u składzie kamandy «Aresa» ź Lubani i biehaŭ paŭmarafony.
Jaho adnakłubniki napisali, što Alaksiej «byŭ nie prosta talenavitym futbalistam, ale i śvietłym čałaviekam, addanym tavaryšam na poli i ŭ žyćci».
«Jaho sychod — niezamiennaja strata dla ŭsiaho našaha kalektyvu. Jon nazaŭždy zastaniecca ŭ našaj pamiaci jak vajar, jaki biŭsia za kolery kłuba da apošniaj siekundy».
Taksama mužčyna byŭ fanatam rybactva.
Viadoma, što ŭ Alaksieja zastałasia maleńkaja dačka.
Ciapier čytajuć
«Źnik bieź źviestak» vielmi małady biełaruski najomnik5
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary