Aŭtobus ź biełaruskimi dziećmi, što trapiŭ pad udar u Branskaj vobłaści, viarnuŭsia na radzimu
Aŭtobus viarnuŭsia ŭčora viečaram.
Pasažyry aŭtobusa, jaki trapiŭ pad udar u Branskaj vobłaści, viarnulisia ŭ Rečycu, piša BiełTA.
U rečyčanki Natalli Muraški ŭ aŭtobusie, jaki trapiŭ pad udar, jechali dvoje dziaciej — syn Ivan i dačka Alaksandra.
«Ja pieražyła šok, kali pačuła pra toje, što zdaryłasia. I pieršaje pytańnie było: ci žyvyja dzieci. Dziakuj Bohu, dzieci žyvyja», — padzialiłasia emocyjami žančyna ŭ momant čakańnia prybyćcia aŭtobusaŭ u Rečycu.
Jana raskazała, što spačatku na suviaź vyjšaŭ syn i paviedamiŭ, što ŭ ich usio dobra.
«A kali patelefanavała dačka i skazała, što jany pierasiekli miažu, emocyi nachłynuli: dziakuj Bohu, što doma. Hospadzie, nie treba nam nijakaha Hielendžyka, my i na Dniapry adpačniom, u Biełarusi, ź dziećmi», — dadała žančyna.
U Hielendžyk nakiroŭvaŭsia i syn Aksany Bandarenki — Uładzisłaŭ. Jon jechaŭ nie ŭ aŭtobusie, jaki paciarpieŭ ad ataki.
«Ja była na pracy, kali mnie patelefanavali i spytali, dzie moj syn. Ja adkazała: źjechaŭ. A mnie kažuć: niaŭžo ty nie viedaješ, što zdaryłasia? I ja prosta prysieła. Kali skazali, što nieviadoma, jaki aŭtobus paciarpieŭ, heta było prosta… słovami nie pieradać. Dla mianie heta byŭ strašny dzień», — apisała svaje pačućci žančyna.
«A kali pačuła hołas syna z Branska, heta było hałoŭnaje — prosta pačuć jaho. Kali b ź im niešta zdaryłasia, ja b usio žyćcio siabie vinavaciła», — nie chavała emocyj maci.
Momant paśla ataki bieśpiłotnika apisaŭ pasažyr paciarpiełaha aŭtobusa — chłopčyk Daniił.
«Ja ŭbačyŭ, što prykładna troch častak škła nie było. Ich vybiła. Potym pačali vyvodzić chłopčykaŭ, jakija paciarpieli. U adnaho chłopčyka ŭvieś tvar byŭ u kryvi. Adnaho pavioz cyvilny mužčyna ŭ najbližejšy špital, tamu što jon na niekalki siekund straciŭ prytomnaść. Ja vielmi spałochaŭsia», — raskazaŭ Daniił.
17 červienia ŭ Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi. Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?7
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary
Tiepieŕ, dron fsb možiet priletieť v luboj, biełaruskij avtobus ( kak i v žiłoj dom biełarusov), v lubom miestie Rośsii i Biełarusi, jeśli v Kriemle nie ponraviatsia zajavlenija łukašienko i jeho diejstvija.