Kałaps u niebie: «Aerafłot» admianiŭ užo treci rejs u Minsk, «Biełavija» taksama źmianiaje raskład
Masiravanaja ataka bieśpiłotnikaŭ na Maskoŭski rehijon ranicaj 18 červienia pryviała da surjoznych zbojaŭ u avijazłučeńni pamiž stalicami Rasii i Biełarusi.
Jak paviedamlaje BIEŁTA sa spasyłkaj na anłajn-tabło pieravozčyka, rasijskaja kampanija «Aerafłot» admianiła ŭžo treci za dzień parny rejs Maskva — Minsk — Maskva.
Hetym razam pad skasavańnie patrapiŭ viečarovy rejs SU1832 z Šaramiećjeva (vylet u 18:40) i, adpaviedna, zvarotny ź biełaruskaj stalicy (u 21:10). Raniej byli admienienyja jašče dva dzionnyja samaloty «Aerafłota».
Akramia taho, rejs SU1836 zatrymany bolš čym na 5 hadzin i vylecić z Maskvy tolki a 20‑j viečara. Zvarotny rejs SU1837 vylecić ź Minska ŭ 22.20 zamiest 17.20.
Avijakampanija prosić pasažyraŭ skasavanych rejsaŭ nie pryjazdžać u aeraport i pieraafarmlać kvitki dystancyjna.
Na źmieny ŭ maskoŭskich aeraportach vymušana adreahavała i biełaruskaja «Biełavija». Pieravozčyk užo skarektavaŭ čas vyletu asobnych siońniašnich rejsaŭ. Niahledziačy na toje, što na dadzieny momant abmiežavańni na paloty ŭ Maskvie źniatyja, u «Biełavija» papiaredzili, što chistańni ŭ raskładzie mohuć zachavacca i ŭ piatnicu, 19 červienia.
Pasažyram rekamiendujuć praviarać status svaich vyletaŭ na sajcie biełaruskaj kampanii pierad adpraŭkaj u aeraport.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary