Byłaja nastaŭnica litaratury, buchhałtarka z avanturnaj žyłkaj i zaŭziataja teatrałka narešcie dazvalajuć sabie toje, što doŭhija hady pakidali «na potym».
— Pačatak zdymak — zaŭsiody asablivy momant. Sioleta heta naša pieršaja talerka, raźbitaja ŭ startavy dzień. Prajekt sapraŭdy maštabny: praviedzieny vialiki kastynh, pradumany dekaracyi, zadziejničany tvorčyja kamandy telekanała i kinastudyi. Tamu ja ŭpeŭnieny, što razam my spravimsia z pastaŭlenymi zadačami, — raskazaŭ vydańniu «Kultura» hienieralny dyrektar «Biełaruśfilma» Dźmitryj Siamionaŭ.
Na takim padmurku i budujecca historyja pra troch siabrovak, jakija z vychadam na zasłužany adpačynak mianiajuć zvykły bieh žyćcia.
Byłaja nastaŭnica litaratury, buchhałtarka z avanturnaj žyłkaj i zaŭziataja teatrałka narešcie dazvalajuć sabie toje, što doŭhija hady pakidali «na potym».
— Chočam raskazać pra ludziej, u jakich startuje novy etap. I, mahčyma, samy jarki, — raspaviadaje režysior-pastanoŭščyk Ahata Macko. — My časta adkładajem važnaje: pračytać knihu, zrabić toje, pra što daŭno maryli…
Hieraini sieryjała vyrašajuć razarvać hetaje koła i pačynajuć dziejničać tut i ciapier. Naša meta — padaryć natchnieńnie i dobry nastroj usim. U situacyjnaj kamiedyi z elemientami pryhodnickaha kino piersanažam vypaduć zajmalnyja vyprabavańni: sutyknieńnie z machlarami, ratavańnie dyrektara Centra volnaha času — i, biezumoŭna, kachańnie. Poźniaje, mocnaje — jano jašče raz dakaža: sercu nie zahadaješ, navat kali ŭ pašparcie — daŭniaja data.
Hledačoŭ čakaje 16 sieryj praciahłaściu kala paŭhadziny kožnaja. Takaja struktura zadaje dynamiku i dazvalaje raźvivać siužet praz padziei i emocyi hierojaŭ.
U paviljonie kinastudyi ŭźviedzieny try kvatery — try roznyja śviety žančyn, abjadnanyja leśvičnaj placoŭkaj. Mienavita tut razhortvajucca klučavyja padziei — ad vostrych kanfliktaŭ da ramantyčnych pavarotaŭ. Akramia hetaha, istotnaja častka zdymak projdzie ŭ haradskoj prastory Minska. Usie łakacyi ŭžo vyznačany, što dapamahaje pracavać u zładžanym tempie.
Prajekt zachoŭvaje vyraznuju nacyjanalnuju asnovu: u im udzielničajuć biełaruskija artysty i tvorčaja kamanda. Razam z tym u sieryjale źjaviacca i viadomyja rasijskija akciory — Volha Chochłava, Alaksandr Aleška, Luboŭ Rudenka, što pavialičvaje mastacki dyjapazon.
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary