18‑hadovy syn Ramzana Kadyrava Adam atrymaŭ zvańnie Hieroja Čačni. Druhi raz
Zvańnie prysvoiŭ jahony baćka Ramzan Kadyraŭ.
Pra novuju ŭznaharodu paviedamiŭ premjer-ministr Čačni Mahamied Daudaŭ. Pavodle jaho słoŭ, zvańnie 18‑hadovamu pamočniku kiraŭnika Čačni i sakrataru Rady biaśpieki respubliki prysvoiŭ sam Ramzan Kadyraŭ — «za vydatnyja zasłuhi pierad dziaržavaj», «samaaddanaje słužeńnie narodu», padtrymku «SVA» i ŭ suviazi z Dniom Rasii, pišuć «Ostorožno, novosti».
Daudaŭ nazvaŭ uznaharodu «zasłužanym pryznańniem patryjatyzmu», jaho «adkaznaści i addanaści Ajčynie». Taksama jon zajaviŭ, što syn kiraŭnika Čačni «štodnia dakazvaje viernaść vysokim pryncypam słužeńnia Radzimie».
Pry hetym Adam Kadyraŭ užo maje hetaje zvańnie — u 2023 hodzie (Adamu było ŭsiaho 15 hadoŭ) jamu ŭžo prysvojvali zvańnie Hieroja Čačenskaj Respubliki, pra što tady paviedamiŭ deputat Dziarždumy i dziadźka Adama Kadyrava Adam Delimchanaŭ. Dvojčy hetuju ŭznaharodu atrymlivaŭ i kiraŭnik Čačni Ramzan Kadyraŭ — u 2022 i ŭ 2025 hodzie.
Adam Kadyraŭ rehularna atrymlivaje dziaržaŭnyja, viedamasnyja i rehijanalnyja ŭznaharody. Raniej jamu ŭžo ŭručali najvyšejšuju ŭznaharodu Čačni — orden Kadyrava (paśla źbićcia Mikity Žuraŭla), orden parłamienta Čačni «Dajmiechkan Syj», a taksama miedal Rashvardyi «Za bajavuju adznaku».
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
A druhich užie nie budiet. Nie ukrainskich,ni biełaruskich.
[Zredahavana]