SBU śćviardžaje, što pierachapiła rasijski dakumient, ź jakoha vynikaje, što ŭkrainskich BPŁA nad trasaj pad Branskam nie było
Pavodle paviedamleńnia SBU, hety dakumient byŭ atrymany ŭ chodzie kontrraźviedvalnych mierapryjemstvaŭ.
Słužba biaśpieki Ukrainy zajaviła, što pierachapiła aficyjny rasijski dakumient, jaki admaŭlaje datyčnaść Ukrainy da ŭdaru pa aŭtobusie ź biełaruskimi hramadzianami ŭ Branskaj vobłaści.
Havorka idzie pra infarmacyjnuju daviedku manitorynhavaha centra dziaržaŭnaj ustanovy Branskaj vobłaści «Biaśpiečny rehijon». Pavodle paviedamleńnia SBU, hety dakumient byŭ atrymany ŭ chodzie kontrraźviedvalnych mierapryjemstvaŭ.
U zvodcy śćviardžajecca, što na momant incydentu z aŭtobusam u pavietranaj prastory rajona nie było ŭkrainskich bieśpiłotnych latalnych aparataŭ.
U pryvatnaści, u pierachoplenaj daviedcy adznačajecca, što:
— «Rehijanalny siehmient apieratyŭnaha štaba Adzinaha nacyjanalnaha centra» nie zafiksavaŭ BPŁA ŭ rajonie incydentu;
— najaŭnaść dronaŭ u pavietranaj prastory taksama nie paćvierdziŭ dziažurny radyjołakacyjnaha bataljona ŭ rasijskim nasielenym punkcie Supanieva;
— akramia taho, dziažurny 32‑j dyvizii rasijskich vojskaŭ taksama nie paćvierdziŭ palotaŭ bieśpiłotnych aparataŭ u adpaviedny čas.
Takim čynam, u SBU ličać, što isnujuć padstavy mierkavać, što ŭdar pa aŭtobusie z hramadzianami Biełarusi ŭ Branskaj vobłaści moh być śpiecapieracyjaj rasijskich śpiecsłužbaŭ.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
vybačajsia, saška, pa novaj