Dzień Rasii: harać NPZ u Nižniakamsku, zavod kaŭčuku ŭ Taljaci i abjekt u Simfieropali
U noč na 12 červienia anieksavany Krym i rehijony Rasii byli atakavanyja ŭdarnymi ŭkrainskimi bieśpiłotnikami, u vyniku čaho ŭźnikli pažary na CEC i chimičnych pradpryjemstvach.
U Simfieropali paśla masiravanaj ataki BPŁA ŭspychnuŭ pažar u rajonie miascovaj CEC. U horadzie zafiksavany pieraboi z elektrazabieśpiačeńniem.
Mocnyja vybuchi taksama čulisia ŭ Simfieropalskim rajonie (u pryvatnaści ŭ vioskach Danskoje i Marjina), a taksama ŭ Nižniahorskim i Čyrvanahvardziejskim rajonach paŭvostrava. Akramia taho, paviedamlałasia pra pracu supraćpavietranaj abarony i vybuchi ŭ rajonie vajskovaha aeradroma «Saki», piša «Ukrainskaja praŭda».
Paralelna pad udar bieśpiłotnikaŭ trapiła pramysłovaja zona horada Taljaci Samarskaj vobłaści RF. Tam paśla sieryi vybuchaŭ uźnikli pažary na terytoryi zavoda «Taljacikaŭčuk», a nad pradpryjemstvam padniaŭsia husty čorny dym.
Hety chimzavod źjaŭlajecca stratehičnym abjektam, bo vyrablaje sintetyčny kaŭčuk dla šynavaj pramysłovaści, humatechničnyja vyraby i vysokaaktanavyja paliŭnyja dabaŭki dla vajskovaj techniki.
Taksama ŭ noč bieśpiłotniki atakavali naftapierapracoŭčy zavod «Nižniakamsknaftachim» u Respublicy Tatarstan. Zavod vypuskaje bolš za 120 vidaŭ pradukcyi. Asnoŭnym vidam pradukcyi pradpryjemstva źjaŭlajucca sintetyčnyja kaŭčuki i płastyki.
12 červienia ŭ Rasii adznačajuć nacyjanalnaje śviata — Dzień Rasii.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary