U Novaj Baravoj baćki pieršakłaśnikaŭ vystrailisia ŭ čarhu da novaj škoły za sutki da pryjomu zajaŭ u jaje
U Novaj Baravoj pad Minskam niekatoryja baćki budučych pieršakłaśnikaŭ pačali zajmać čarhu kala škoły jašče za sutki da aficyjnaha pačatku pryjomu zajaŭ, pryznačanaha na 12 červienia, paviedamlaje dziaržaŭnaja hazieta «Prystaličča». Havorka idzie pra novuju škołu №2, adkrytuju dva hady tamu.
Jak śćviardžajecca, u čarzie isnujuć ułasnyja praviły: naprykład, zabaroniena pakidać svajo miesca i prapuskać pieraklički, kab nie trapić u śpis «miortvych duš».
Padobnaja situacyja ŭ hetym žyłym rajonie ŭžo była niekalki hadoŭ tamu, kali čerhi stajali kala adzinaj u toj čas škoły №1.
U adździele adukacyi Minskaha rajona zajaŭlajuć, što nibyta sensu ŭ takim ažyjatažy niama. Maŭlaŭ, z 12 červienia pa 15 žniŭnia škoły buduć prymać zajavy ad usich dziaciej, jakija zamacavanyja za adpaviednymi ŭstanovami pa miescy rehistracyi. Adnosna hetaha zahadzia pravodzilisia sustrečy z baćkami, a nieabchodnaja infarmacyja raźmiaščałasia na sajtach škoł, u čatach i na infarmacyjnych stendach.
Adznačajecca, što sioleta škoła №2 u vioscy Kopišča (tut jakraz i raźmieščany žyły rajon Novaja Baravaja) hatovaja pryniać 275 pieršakłaśnikaŭ, pryčym usie jany buduć zabiaśpiečanyja miescami ŭ hrupach padoŭžanaha dnia. Škoła №1 raźličvaje na 153 novych vučniaŭ. Tym nie mienš, hetych miescaŭ na ŭsich usio adno nie chapaje, tamu baćkam prapanoŭvali razhledzieć mahčymaść navučańnia dziaciej u bližejšych škołach Minska, Baraŭlan, Leskaŭki i Lasnoha, kali heta budzie dla ich zručna.
Vyrašeńnie prablemy niedachopu miescaŭ u Novaj Baravoj płanujecca praz pavieličeńnie kolkaści škoł. Paśla adkryćcia druhoj škoły na 1125 vučniaŭ zaraz budujuć jašče adnu takuju ž ustanovu, jakuju płanujuć uvieści ŭ ekspłuatacyju ŭ 2027 hodzie.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?23
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2626
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama26
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary
jak na Zachadzie?
a ŭ Kitai jak? bo bačyła videa kitajskich ahramiennych piacipaviarchovych dziciačych sadkoŭ pasiarod asfaltu.. ni zielaniny, ni dziciačych placovak.. i heta - jašče raz paŭtaru - dzicsadok, navat nie škoła
a jak jany abychodziacca biez najpieršych patreb - pajeści-paspać-pa*ać?
jany što tam - raźbivajuć pałatki i sikajuć i kakajuć u pampiersy?