Cichanoŭskaja: Izalujučy dyktataraŭ, my pavinny inviestavać u ludziej i ich jeŭrapiejskija pamknieńni
Demakratyčnaja lidarka Biełarusi znachodzicca ź vizitam u Brusieli, dzie siońnia vystupiła na plenarnaj siesii Jeŭrapiejskaha ekanamičnaha i sacyjalnaha kamiteta, pryśviečanaha ŭstojlivaści ŭschodnich pamiežnych rehijonaŭ JeC.
U siesii taksama ŭziali ŭdzieł vice-ministarka finansaŭ Litvy Nierynha Rynkiavičucie Łaŭrynajcienie i namieśnik hienieralnaha dyrektara Jeŭrapiejskaj kamisii rehijanalnaj i haradskoj palityki Uhu Sabrał, paviedamlaje pres-słužba Śviatłany Cichanoŭskaj.
Sustreča była pryśviečanaja ŭmacavańniu biaśpieki, ustojlivaści i raźvićciu krain na ŭschodniaj miažy ES.
Padčas vystupu lidarka adznačyła, što biełarusy ŭžo šmat hadoŭ zmahajucca za tyja ž kaštoŭnaści, na jakich budujecca ES.
Jana padkreśliła, što režym Łukašenki metanakiravana izaluje biełarusaŭ ad Jeŭropy, źniščaje niezaležnyja instytuty i pieraśleduje ŭsio, što ŭmacoŭvaje nacyjanalnuju identyčnaść.
Cichanoŭskaja zaklikała zachoŭvać cisk na režym da realnych sistemnych źmien, padtrymlivać biełaruskuju hramadzianskuju supolnaść, niezaležnyja miedyja, kulturu i adukacyjnyja prahramy. Asobna jana prapanavała pahłybić supracoŭnictva pamiž demakratyčnymi siłami Biełarusi i EESC, kab rychtavacca da budučych reformaŭ i jeŭrapiejskaj intehracyi krainy.
«Izalujučy dyktataraŭ, my pavinny inviestavać u ludziej i ich jeŭrapiejskija pamknieńni. Čym macniejšaja hramadzianskaja supolnaść, tym słabiejšaja dyktatura», — zajaviła Śviatłana Cichanoŭskaja.
«Dapamažycie nam pašyrać biełaruskuju kulturu, movu i identyčnaść praz vystavy, kulturnyja dni, adukacyjnyja prahramy i abmieny. Davajcie razam pracavać nad kampanijami ŭ padtrymku palitviaźniaŭ, niezaležnych žurnalistaŭ, pravoŭ pracoŭnych, pravoŭ čałavieka i suprać dezynfarmacyi. Davajcie zabiaśpiečym, kab Biełaruś była častkaj bolš šyrokich jeŭrapiejskich dyskusij pra biaśpieku, demakratyju, suvierenitet i budučyniu Jeŭropy. Davajcie ŭmacujem suviazi pamiž našymi arhanizacyjami hramadzianskaj supolnaści praz aznajamlenčyja vizity, partniorstva i sumiesnyja prajekty», — skazała palityk.
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu88
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary
I kohda podrosła, ona vosstała protiv Łukašienko.