Ministr zamiežnych spraŭ Litvy sustreŭsia z pradstaŭnikami biełarusaŭ i zapeŭniŭ ich u niaźmiennaści palityki
12 červienia ministr zamiežnych spraŭ Litvy Kiastucis Budrys pravioŭ u Vilni sustreču z pradstaŭnikami biełaruskich demakratyčnych sił, hramadzianskaj supolnaści, dyjaspary, niezaležnych srodkaŭ masavaj infarmacyi, adukacyjnych i biznes-inicyjatyŭ, a taksama relihijnych supolnaściaŭ, jakija dziejničajuć na terytoryi Litvy.
Padčas sustrečy baki abmierkavali stanovišča biełaruskaj demakratyčnaj supolnaści ŭ Litvie i ŭmovy jaje dalejšaj dziejnaści.
Ministr paćvierdziŭ, što Litva praciahvaje padtrymlivać biełaruski narod i ličyć Vilniu biaśpiečnym miescam, dzie biełaruskija arhanizacyi mohuć svabodna pracavać, raźvivać svaje prajekty i padtrymlivać hramadzianskija inicyjatyvy.
Asobnaja ŭvaha była nadadziena praktyčnym prablemam, ź jakimi sutykajucca biełarusy ŭ Litvie. Udzielniki sustrečy abmierkavali pytańni, źviazanyja z atrymańniem šenhienskich viz, afarmleńniem dazvołaŭ na časovaje pražyvańnie, vydačaj inšych nieabchodnych dakumientaŭ, a taksama pracesam bolš paśpiachovaj intehracyi hramadzian Biełarusi ŭ litoŭskaje hramadstva.
Pry hetym było adznačana, što ŭsie rašeńni ŭ hetaj śfiery Litva prymaje, zachoŭvajučy bałans pamiž žadańniem dapamahać biełarusam i nieabchodnaściu vykonvać patrabavańni nacyjanalnaha zakanadaŭstva, prava Jeŭrapiejskaha sajuza i mier dla harantavańnia dziaržaŭnaj biaśpieki.
Kiastucis Budrys padkreśliŭ, što Litva i pradstaŭniki biełaruskich demakratyčnych sił majuć ahulnuju metu — bačyć Biełaruś demakratyčnaj, niezaležnaj i svabodnaj dziaržavaj. Jon zajaviŭ, što ciapierašni aŭtarytarny režym u Biełarusi litoŭskija ŭłady razhladajuć jak pahrozu nacyjanalnaj biaśpiecy Litvy, pakolki Biełaruś źjaŭlajecca palityčnym i vajskovym sajuźnikam Rasii, jakaja viadzie ahresiŭnuju palityku.
U suviazi z hetym ministr vykazaŭ mierkavańnie, što na ŭzroŭni Jeŭrapiejskaha sajuza nieabchodna praciahvać palityku niepryznańnia ciapierašnich biełaruskich uładaŭ, padtrymlivać mižnarodnuju izalacyju režymu i zachoŭvać sankcyjny cisk. Adnačasova, pavodle jaho słoŭ, nieabchodna praciahvać padtrymku biełaruskich demakratyčnych struktur i zvyčajnych hramadzian Biełarusi.
Pa vynikach sustrečy ŭdzielniki damovilisia praciahvać supracoŭnictva i rehularny dyjałoh. Asnoŭnymi kirunkami supolnaj pracy pavinny stać raźvićcio biełaruskaj hramadzianskaj supolnaści, padtrymka adukacyjnych prajektaŭ, umacavańnie ŭstojlivaści da dezynfarmacyi i supraćdziejańnie inšym ahulnym pahrozam.
Ministr transpartu Litvy: Cisku z boku ZŠA adnosna tranzitu biełaruskaha kaliju niama
MZS Litvy paćvierdziła, što kraina abmiarkoŭvaje z ZŠA pytańnie biełaruskich kalijnych uhnajeńniaŭ
ZŠA nieaficyjna paprasili try krainy źniać sankcyi ź biełaruskaha kaliju
Ministr zamiežnych spraŭ Litvy vykazaŭ salidarnaść ź EHU
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy15
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1616
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?16
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary
Kali čałaviek ujaŭlaje pahrozu nacyjanalnaj biaśpiecy Litvy, jon niepaźbiežna budzie pryznany takim. Ni zahady Cichanaŭskaj, ni ślozy ci kryki roznych asob nie źmieniać situacyi.