MZS Litvy paćvierdziła, što kraina abmiarkoŭvaje z ZŠA pytańnie biełaruskich kalijnych uhnajeńniaŭ
Ministr zamiežnych spraŭ Litvy Kiastucis Budrys zajaviŭ publična ŭ efiry LRT, što Vilnia viadzie dyjałoh z Vašynhtonam nakont tranzitu biełaruskich kalijnych uhnajeńniaŭ.
Raniej vydańnie «Radyjo Svaboda» paviedamiła, što Dziarždepartamient ZŠA nakiravaŭ Litvie, Polščy i Ukrainie prośbu źniać sankcyi ź biełaruskaha kaliju i dazvolić jaho tranzit praz svaje terytoryi.
Heta źviazana z pryniatym u sakaviku rašeńniem administracyi Donalda Trampa admianić abmiežavańni suprać «Biełaruśkalija» paśla taho, jak režym Alaksandra Łukašenki vyzvaliŭ častku palitviaźniaŭ.
Kamientujučy infarmacyju pra prośbu ZŠA, Kiastucis Budrys adznačyŭ: «Mahu paćvierdzić, što my havorym na hetuju temu z ZŠA, hetaje pytańnie staić na paradku dnia, my prymajem pad uvahu roznyja mierkavańni».
Adnak ministr padkreśliŭ, što Litva nie źbirajecca adnabakova źmianiać svaju pazicyju, pakolki abmiežavańni zamacavanyja na ahulnajeŭrapiejskim uzroŭni:
«Źviartaju ŭvahu, što da kanca lutaha 2027 hoda dziejničajuć sankcyi ŭ dačynieńni da Biełarusi i kalijnych uhnajeńniaŭ, i zaraz niama nijakich sposabaŭ, srodkaŭ ci pryčyn što-niebudź pierahladać na ŭzroŭni ES. I heta nie tolki pazicyja Litvy, heta jeŭrapiejskaja pazicyja».
Litva całkam spyniła tranzit biełaruskaha kaliju z 1 lutaha 2022 hoda. Niahledziačy na toje, što ZŠA sioleta źniali svaje sankcyi, Vilnia praciahvaje błakavać pastaŭki, pakolki paśla kroku Vašynhtona anałahičnyja abmiežavańni byli ŭviedzieny Jeŭrasajuzam.
Pavodle infarmacyi ahienctva BNS, raniej u hetym miesiacy Budrys na zakrytym pasiadžeńni frakcyi Sacyjał-demakratyčnaj partyi ŭžo vykazvaŭ zaniepakojenaść z nahody cisku z boku Vašynhtona.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary