«My prasiaknutyja spantannaściu». Kampanija siabroŭ vykupiła ceły vahon, kab sustreć Novy hod u ciahniku da Bresta
Kampanija z 25 čałaviek arhanizavała ŭ ciahniku sapraŭdny śviatočny nastroj: upryhožyli vahon, pastavili jołku, nakryli stoł i śpiavali pad hitaru, zaŭvažyła BGMedia.
Jak pakazaŭ adzin ź biełarusaŭ u videa ŭ Instagram, kampanija vykupiła ceły vahon dla pajezdki ź Minska ŭ Brest 31 śniežnia i adznačyła Novy hod a 12‑j nočy pad apładysmienty. U śviatkavańni byli karahody, Dzied Maroz sa Śniahurkaj i ŭsie tradycyjnyja elemienty navahodniaha zastolla.
Aŭtar videa tłumačyć ideju tak:
«Usio prosta, my prasiaknutyja spantannaściu. Mienavita tamu nam udałosia ź lohkaściu samaarhanizavacca ŭ kolkaści 25 čałaviek, padzialili pamiž saboj abaviazki, tym samym dasiahnuŭšy filihrannaści ŭ realizacyi našaha śviata!»
Videa nabrała bolš za 400 tysiač prahladaŭ i šmat kamientaroŭ. Niekatoryja hledačy raskazvali, što jechali tym ža ciahnikom i čuli pieśni praz son. Inšyja adznačali, što taksama arhanizavali spantannyja śviatkavańni ŭ svaich vahonach.
Biełarusy vysoka acanili ideju:
«Ludzi ŭ kolkaści 25 čałaviek nie zmahli źniać chatu na NH, ale jany byli vielmi kiemlivyja. Realizacyja supier»;
«Pakul što adno z najlepšych śviatkavańniaŭ z tych, što ja bačyŭ u «inście» sioleta».
Niekatoryja vykazvali žadańnie dałučycca nastupnym razam:
«Prabačcie, kali łaska. Ja nie viedaju, kudy vy jedziecie. Ale možna z vami? Ja zhodnaja na adpačynak. Naleta. Nu ci mała što».
Nie abyšłosia i biez žartaŭ:
«Hetak ža ja: nie mahu sabrać troch siabroŭ, kab razam pravieści čas. Tamu što va ŭsich surjoznyja spravy»;
«Prapanuju kamientataram abjadnacca i źniać ceły sastaŭ na nastupny NH, maršrut nie važny».
U Minsku abviaścili akcyju «Jełki ŭ treski»
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
«Źmiena daty ŭ kalendary nie spyniaje vajny ni na chvilinu». Jak sustrakali i što jeli na Novy hod vajary Pałka Kalinoŭskaha?
Što za ŭpryhažeńnie było na Śviatłanie Cichanoŭskaj padčas navahodniaha zvarotu? I što abaznačajuć arnamienty na im?
Kamientary